ເພງນະມັດສະການ
໕໒ ເຈົ້າຜູ້ຮູ້ຄວາມທຸກລຳບາກຢູ່ (151)
1 ເຈົ້າຜູ້ຮູ້ຄວາມທຸກລຳບາກຢູ່
ຈົ່ງຖືນາມພຣະເຢຊູໄປ
ຈະໄດ້ບັນເທົາແລະຄວາມຊຸ່ມຊື່ນ
ຈົ່ງຖືໄປທາງມໍ່ທາງໄກ
ຂໍ້ຊ້ຳ: ນາມປະເສີດ ດີລ້ຳເລີດ
ຄວາມໄວ້ໃຈທັງໂລກທັງຟ້າ
ນາມປະເສີດ ອັນດີລ້ຳເລີດ
ຄວາມຍິນດີທັງໂລກທັງຟ້າ
2 ຈົ່ງຖືນາມພຣະເຢຊູຕໍ່ໄປ
ເພື່ອບັງເຈົ້າພົ້ນຈາກສັດຕູ
ຄັນຄວາມທົດລອງອ້ອມຢ່າສົງໃສ
ຈົ່ງອ້ອນວອນເພິ່ງນາມເຢຊູ (ຊ້ຳ)
3 ຄັນພຣະອົງຊົງອູ້ມຮັບເຮົາຢູ່
ໃຫ້ລີ້ນເຮົາຮ້ອງສັນຣະເສີນ
ໂອ້ພຣະນາມປະເສີດພຣະເຢຊູ
ໃຈຂອງເຮົາຍິນດີເຫຼືອເກີນ (ຊ້ຳ)
4 ຕໍ່ນາມພຣະເຢຊູເຮົານົບນ້ອມ
ຂາບລົງໄຫວ້ທີ່ຂ້າງພຣະບາດ
ໃນເມືອງຟ້າສະຫວັນຈະຍ້ອງຍໍ
ພຣະຜູ້ເປັນເຈົ້າອົງເມດຕາ (ຊ້ຳ)
໕໓ ພຣະເຈົ້າຊົງພາ (156)
1 ພຣະເຈົ້າຊົງພາໂອ້ຂ່າວລ້ຳເລີດ
ຄວາມຊົມຊື່ນໃຈເລົ້າໂລມປະເສີດ
ມີການອັນໃດຈະຢູ່ທີ່ໃດ
ພຣະເຈົ້າຊົງພາໃນທາງທີ່ໄປ
ຂໍ້ຊ້ຳ: ພຣະອົງຊົງນຳ ຊົງນຳຜູ້ຂ້າ
ພຣະຫັດພຣະອົງໂຜດຈູງຜູ້ຂ້າ
ຢາກຕາມພຣະອົງດ້ວຍໃຈນັບຖື
ເພາະທາງພຣະອົງເປັນທາງສັດຊື່
2 ລາງເທື່ອຈະພົບຄວາມທຸກມືດມົວ
ລາງເທື່ອເປັນສຸກລອດພົ້ນຄວາມກົວ
ທີ່ຍາກທີ່ງ່າຍທີ່ໃກ້ທີ່ໄກ
ພຣະຫັດພຣະອົງຊົງນຳພາໄປ (ຊ້ຳ)
3 ຜູ້ຂ້າຢາກກຳພະຫັດພຣະອົງ
ມີໃຈຍິນດີທາງຂຶ້ນທາງລົງ
ບໍ່ຈົ່ມບໍ່ໝອງບໍ່ຂັດບໍ່ຂວາງ
ພຣະອົງຊົງໂຜດໃຫ້ທຽວຕາມທາງ (ຊ້ຳ)
4 ຄັນການຜູ້ຂ້າສຳເລັດໃນໂລກ
ຄັນແພ້ຄວາມບາບແລະຄວາມທຸກໂສກ
ຄວາມຕາຍນອງມາຈິ່ງບໍ່ຕ້ອງຢ້ານ
ພຣະອົງຊົງໂຜດໃຫ້ຂ້າໄດ້ຂ້າມ (ຊ້ຳ)
໕໔ ພຣະເຈົ້າຊົງເປັນຜູ້ລ້ຽງ (157)
1 ພຣະເຈົ້າຊົງເປັນຜູ້ລ້ຽງທີ່ຮັກ
ພຣະຄຸນພຣະອົງບໍ່ສູນຫາຍ
ຜູ້ຂ້າອົດທົນການລຳບາກໜັກ
ພຣະອົງຊົງຮັກສາຜູ້ຂ້າໄວ້
2 ພຣະອົງຊົງບອກໃຫ້ຂ້າພັກຜ່ອນ
ໃນທົ່ງທີ່ມີຫຍ້າຂຽວສົດ
ຊົງນຳວິນຍານໄປບ່ອນມີນ້ຳ
ຊົງລ້ຽງຮັກສາດ້ວຍອາຫານດີ
3 ພຣະອົງຊົງຊູແຮງຈິດວິນຍານ
ເມື່ອຂ້າຂັດຂືນພຣະບັນຊາ
ພຣະອົງຊົງນຳໃນທາງຊອບທຳ
ແມ່ນເພາະເຫັນແກ່ພຣະນາມພຣະອົງ
4 ເມື່ອຕາມຮ່ອມພູມືດແຫ່ງຄວາມຕາຍ
ບໍ່ຢ້ານເພາະທ່ານຊົງຢູ່ນຳ
ໄມ້ຄ້ອນເທົ້າພຣະອົງໄດ້ໜູນໃຈ
ດ້ວຍຄວາມຄ້ຳຊູແຮງຂອງພຣະອົງ
5 ພຣະອົງຊົງຕຽມການລ້ຽງໃຫ້ຂ້າ
ຕໍ່ໜ້າຕໍ່ຕາຂອງສັດຕູ
ດ້ວຍນ້ຳມັນຊົງຫົດຫົວຜູ້ຂ້າ
ຂັນນ້ຳຂອງຂ້າຈຶ່ງເຫຼືອລົ້ນຢູ່
6 ແທ້ຈິງຄວາມດີຄວາມຮັກໝັ້ນຄົງ
ຈະຕິດຕາມຂ້າຕະຫຼອດໄປ
ຜູ້ຂ້າຄົງອາໃສໃນຜາສາດ
ພຣະຢາໂຮວານັ້ນສຶບໆໄປ ອາແມນ
໕໕ ເຮົາສູ້ຍອມຕາຍເພື່ອທ່ານ (161)
1ເຮົາສູ້ຍອມຕາຍເພື່ອທ່ານ
ໂລຫິດປະເສີດຫລັ່ງໄຫລ
ເພື່ອລ້າງຊຳຣະວິນຍານ
ໄຖ່ໂທດໃກ້ເກີດໃຈໃໝ່
ສະລະຊີວິດບໍ່ຄິດເສຍດາຍ
ທ່ານມີສິ່ງໃດຖວາຍ (ໆ)
2 ຜາສາດແຫ່ງພຣະບິດາ
ບັນລັງຮຸ່ງເຮືອງຂອງເຮົາ
ໄດ້ຖິ້ມມາສູ່ໂລກາ
ຮັບທຸກລຳບາກດຽວດາຍ
ເຮົາຖິ້ມຍົດສັກທັງໝົດສູນເປົ່າ
ທ່ານຖິ້ມອັນໃດເພື່ອເຮົາ (ໆ)
3 ເຮົາສູ້ທົນທຸກແຮງຮ້າຍ
ເຫຼືອທີ່ຈະພັນລະນາ
ທົນຄວາມຣາວີຈົນຕາຍ
ໃຫ້ທ່ານພົ້ນໄພນານາ
ເຮົາທົນຄວາມອາຍເຫຼືອຫຼາຍເພື່ອທ່ານ
ທ່ານທົນອັນໃດເພື່ອເຮົາ (ໆ)
4 ເຮົານຳຂອງດີລົງມາ
ຈາກເມືອງສະຫວັນເບື້ອງເທິງ
ເຮົານຳຄວາມຮັກຄວາມພົ້ນ
ແລະການຍົກໂທດໂຜດຄົນ
ເຮົານຳຂອງດີມາຍື່ນໃຫ້ທ່ານ
ທ່ານຍື່ນສິ່ງໃດຕອບແທນ (ໆ)
໕໖ ຈົ່ງເຮັດການດ້ວຍໃຈກ້າ (170)
1 ຈົ່ງເຮັດການດ້ວຍໃຈກ້າ
ເຮົາເປັນສິດພຣະເຢຊູ
ເຮົາຈົ່ງຕາມທາງທີ່ພາ
ເຖິງຊີວິດຕະຫລອດໄປ
ພຣະອົງຊົງໂຜດຮັກສາ
ໃຫ້ເຮົາຢູ່ສຸກສຳບາຍ
ຂໍ້ຊ້ຳ: ຈົ່ງເຮັດການ ດ້ວຍໃຈກ້າ
ຈົ່ງເຮັດການ ດ້ວຍໃຈກ້າ
ຈົ່ງລະວັງ ແລະອ້ອນວອນ
ພຣະເຢຊູ ສະເດັດມາໂດຍເຣວ
2 ຈົ່ງເຮັດການດ້ວຍໃຈກ້າ
ພາກັນຊ່ອຍຄົນທີ່ທຸກໃຈ
ຜູ້ໄດ້ໜີຈາກພຣະເຈົ້າ
ໃຫ້ເຂົາໄດ້ຮັບຄວາມສຸກ
ເຊີນເຂົາໃຫ້ເພ່ງຕາເບິ່ງ
ໄມ້ກາງແຂນຂອງພຣະອົງ
ບອກເຂົາໃຫ້ຮັບເອົາພຣະ
ຜູ້ຊົງໂຜດໃຫ້ໝັ້ນຄົງ (ຊ້ຳ)
3 ຈົ່ງເຮັດການດ້ວຍໃຈກ້າ
ພຣະເຈົ້າຊົງເອີ້ນໝູ່ເຮົາ
ໃຫ້ເຮັດການຂອງພຣະອົງ
ບໍ່ໃຫ້ຢຸດບໍ່ໃຫ້ເຊົາ
ຢ່າໃຫ້ມີຄວາມລະອາຍ
ຊ້ຳຕ້ອງລືມການຕົນເອງ
ບົວຣະບັດພຣະເຢຊູ
ດ້ວຍສຸດໃຈແລະສຸດແຮງ (ຊ້ຳ)
4 ຈົ່ງເຮັດການດ້ວຍໃຈກ້າ
ຢ່າຂາດຈົນສຸດຊີວິດ
ເຮົາຈົ່ງເປັນພະຍານຝ່າຍ
ພຣະອົງເຈົ້າເຢຊູຄຣິດ
ພາກັນຕາມພຣະເຢຊູ
ມີໃຈອົດທົນຄວາມທຸກ
ຈົນໄດ້ພັກເຊົາຢູ່ໃນ
ຟ້າສະຫວັນໄດ້ຄວາມສຸກ (ຊ້ຳ)
໕໗ ຈົ່ງຊ່ອຍຜູ້ທີ່ເສຍໄປ (175)
1 ຈົ່ງຊ່ອຍຜູ້ທີ່ເສຍໄປຮັກສາຜູ້ຈະຕາຍ
ດຶງເຂົາອອກມາໃຫ້ລອດພົ້ນຈາກຄວາມບາບ
ຈົ່ງເມດຕາຜູ້ຫຼົງທາງ
ແລະຜູ້ຜິດພາດໄປ
ບອກວ່າພຣະເຢຊູ
ຊົງໂຜດໃຫ້ພົ້ນໄດ້
ຂໍ້ຊ້ຳ: ຊ່ອຍໃຫ້ພົ້ນອັນຕະລາຍ ຊ່ອຍຜູ້ທີ່ໃກ້ຕາຍ
ພຣະເຢຊູຊົງເມດຕາ ຊົງກະຣຸນາ
2 ເຖິງແມ່ນວ່າເຂົາດູໝິ່ນແຕ່ຊົງອົດທົນໄດ້
ຊົງຄອຍຄົນບາບໃຫ້ສຳນຶກຜິດກັບໃຈ
ຈົ່ງຮ້ອນໃຈຊັກຊວນເຂົາ
ສັ່ງສອນດ້ວຍເມດຕາ
ຜູ້ໃດຍອມເຊື່ອ
ພຣະອົງຊົງຍົກໂທດໃຫ້ (ຂໍ້ຊ້ຳ)
3 ຖ້າວ່າມານມາລົບກວນຊັກຊວນໃຫ້ຫຼົງໄຫຼ
ຄົນບາບພົ້ນໄດ້ເພາະພຣະເຈົ້າກະຣຸນາ
ເອົາໃຈເຂົາດ້ວຍຄວາມຮັກ
ຊັກນຳໃຫ້ກັບໃຈ
ຈິດໃຈບວບຊ້ຳຕ້ອງການ
ຜູ້ຊ່ອຍເມດຕາ (ຂໍ້ຊ້ຳ)
4 ຈົ່ງຊ່ອຍຜູ້ທີ່ເສຍໄປດ້ວຍໃຈອັນຮ້ອນຮົນ
ເວລາເຂົ້າການພຣະອົງຊົງຊູກຳລັງ
ຈົ່ງຊ່ອຍເຂົາດ້ວຍພາກພຽນ
ໃຫ້ຄືນຫາທາງດີ
ບອກວ່າມີຜູ້ໂຜດ
ໃຫ້ພົ້ນຈາກການຫຼົງ (ຂໍ້ຊ້ຳ)
໕໘ ຂ້າຍິນດີຍ້ອງຍໍພຣະເຢຊູ (176)
1 ຂ້າຍິນດີຍ້ອງຍໍພຣະເຢຊູ
ຜູ້ປະທານຄວາມຮັກເອັນດູ
ຊຳລະລ້າງໃຈໃຫ້ພອນລົ້ນຢູ່
ຈົນພະພອນໄຫລຜ່ານຕົວມາ
ຂໍ້ຊ້ຳ: ຂໍພະພອນຂອງອົງພຣະເຢຊູ
ໄຫລຜ່ານຕົວຂ້າສູ່ຜູ້ອື່ນ
ຂໍໃຫ້ພອນນັ້ນໄຫລຜ່ານຕົວຂ້າ
ທຸກຊົ່ວໂມງແລະທຸກເວລາ
2 ຕົວຂ້າເປັນເຫລືອນທໍ່ທີ່ຫວ່າງເປົ່າ
ຂໍພຣະອົງໃຫ້ພອນໄຫລມາ
ໃຫ້ຂ້າເປັນຮາງທີ່ສະອາດດີ
ເພື່ອພອນນີ້ໄຫລຜ່ານຕົວຂ້າ (ຊ້ຳ)
3ໃຫ້ຂ້າເປັນຮ່ອງຄືທາງໃຫ້ພອນ
ໄຫລສູ່ຜູ້ອື່ນຊຶ່ງເດືອດຮ້ອນ
ບອກທາງເພື່ອໃຫ້ເຂົາພົ້ນຄວາມຕາຍ
ຮັບຄວາມຮັກຂອງພະຜູ້ໄຖ່ (ຊ້ຳ)
4 ຂໍພຣະເຢຊູໂຜດປະທານໃຫ້
ພະວິນຍານສະຖິດໃນໃຈ
ໃຫ້ຂ້າຮັບເອົາດ້ວຍຄວາມຖ່ອມໃຈ
ເພື່ອນ້ຳທິບໄຫລຜ່ານທົ່ວໄປ (ຊ້ຳ)
໕໙ ເຮົາໄດ້ຍິນຂ່າວປະເສີດວ່າ (180)
1 ເຮົາໄດ້ຍິນຂ່າວປະເສີດວ່າ
ພຣະເຢຊູໂຜດໃຫ້ພົ້ນ
ເຮົາຈຶ່ງປ່າວປະກາດທຸກແຫ່ງ
ພຣະເຢຊູໂຜດໃຫ້ພົ້ນ
ເຮົາຈຶ່ງໄປບອກທຸກປະເທດ
ຂຶ້ນພູເຂົາຂ້າມນ້ຳທັງຫລາຍ
ເຮົາຮັບໃຊ້ພຣະເຢຊູເຈົ້າ
ພຣະອົງຊົງໂຜດໃຫ້ພົ້ນ
2 ຮ້ອງຂ່າວນີ້ໃຫ້ທຸກຄົນຟັງ
ພຣະເຢຊູໂຜດໃຫ້ພົ້ນ
ບອກຄົນບາບທັງໃກ້ທັງໄກ
ພຣະເຢຊູໂຜດໃຫ້ພົ້ນ
ຄົນທີ່ເຊື່ອຈົ່ງຮ້ອງຂ່າວນີ້
ຢ່າອິດອ່ອນຈົ່ງຮ້ອງເພງດີ
ແຜ່ນດິນຕ້ອງມີຄວາມຍິນດີ
ພຣະອົງຊົງໂຜດໃຫ້ພົ້ນ
3 ໂດຍຄຶງໄວ້ທີ່ໄມ້ກາງແຂນ
ພຣະເຢຊູໂຜດໃຫ້ພົ້ນ
ດ້ວຍອຳນາດຄືນມາຈາກຕາຍ
ພຣະເຢຊູໂຜດໃຫ້ພົ້ນ
ຈົ່ງອອກສຽງຄ່ອຍໆອ່ອນຫວານ
ໃຫ້ຖືກໃຈຜູ້ຮູ້ທຸກໂສກ
ເລົ້າໂລມໃຈຜູ້ທີ່ຮ້ອງໄຫ້
ພຣະອົງຊົງໂຜດໃຫ້ພົ້ນ
4ໃຫ້ຂ່າວນີ້ຊ່າລື່ທົ່ວທີບ
ພຣະເຢຊູໂຜດໃຫ້ພົ້ນ
ຄົນທັງປວງຈົ່ງຊື່ນຍິນດີ
ພຣະເຢຊູໂຜດໃຫ້ພົ້ນ
ການຊົງໂຜດໃຫ້ທ່ານພົ້ນນັ້ນ
ຊົງປະທານໃຫ້ສຳເລັດແລ້ວ
ເຮົາຈຶ່ງຮ້ອງຄວາມຊະນະນີ້
ພຣະອົງຊົງໂຜດໃຫ້ພົ້ນ
໖໐ ທະຫານຂອງພຣະເຢຊູເຈົ້າ (188)
1 ທະຫານຂອງພຣະເຢຊູເຈົ້າ
ຈົ່ງຕຽມຕົວໄວ້ໃຫ້ພ້ອມ
ຈົ່ງຢືນຕໍ່ສູ້ໝູ່ມານຮ້າຍ
ຮ່າງກາຍວາຍຊີບກໍຍອມ
ທຳລາຍຄວາມຊົ່ວໃຫ້ຫາຍໄປ
ດ້ວຍຣິດຂອງອົງພຣະເຢຊູ
ອອກຣົບຊະນະທຸກຍາມໄປ
ເພາະພຣະຄຣິດຊ່ອຍຕໍ່ສູ້
2 ທະຫານຂອງພຣະເຢຊູເຈົ້າ
ຈົ່ງເຊື່ອຟັງພຣະວິນຍານ
ຈົ່ງໃຫ້ພຣະອົງຊົງນຳທາງ
ເໝືອນແກຊຶ່ງເປັນສັນຍານ
ເມື່ອເຮົາຕ້ອງອອກໄປຕີເສີກ
ຖືກຄວາມຣົບເລວຮ້າຍວຸ້ນວາຍ
ເຮົາກໍມີໄຊບໍ່ຕ້ອງຢ້ານ
ຄວາມຊົ່ວຕ້ອງຖືກທຳລາຍ
3 ທະຫານຂອງພຣະເຢຊູເຈົ້າ
ຂໍແຮງຈາກພຣະບິດາ
ກຳລັງມະນຸດຊ່ວຍບໍ່ໄດ້
ຢ່າຫວັງເພິ່ງໃນຕົນເອງ
ອາສັຍອຳນາດພຣະດຳຣັດ
ກ່າວແລ້ວໃຜເຊື່ອໄດ້ມີໄຊ
ຈົ່ງທູນຂໍດ້ວຍຄວາມແນ່ໃຈ
ເພື່ອໃຫ້ສົມນ້ຳພຣະໄທ
4 ທະຫານຂອງພຣະເຢຊູເຈົ້າ
ການຕີເສີກສະງົບໄວ
ວັນນີ້ສຽງຣົບຍັງກຶກກ້ອງ
ຮຸ່ງຂຶ້ນສຽງຮ້ອງມີໄຊ
ຖ້າໃຜຊະນະຕໍ່ມານຮ້າຍ
ຈະໄດ້ມົງກຸດຝ່າຍຊີວິດ
ແລ້ວຢູ່ກັບພຣະເຢຊູເຈົ້າ
ຄຸ້ມຄອງຕະຫລອດເປັນນິດ
໖໑ ຂອບຄຸນຍິນດີແດ່ພຣະບິດາ (196)
1 ຂອບຄຸນຍິນດີແດ່ພຣະບິດາ
ເພາະໃນກາງຄືນພຣະອົງຮັກສາ
ຊົງສືບຊີວິດຈົນເທົ່າເຖິງແຈ້ງ
ຊົງໂຜດໃຫ້ຫັຼບຫາຍເມື່ອຍມີແຮງ
ຂໍ້ຊ້ຳ:ເທວະດາກໍເຝົ້າຢູ່
ຂໍໃຫ້ປົກປ້ອງຮັກສາຊີວິດ
ຂໍເພີ່ງອຳນາດຂອງພຣະເຢຊູ
ຜູ້ໂຜດພຣະຄຸນອັນໃຫຍ່ທີ່ສຸດ
ຈົ່ງຖວາຍສາທຸການ
ແດ່ພຣະຜູ້ຊົງເປັນເຈົ້າຊີວິດ
2 ຂອບຄຸນຍິນດີເພາະພຣະອົງຮັກ
ຊົງໂຜດຂອງກິນຂອງດື່ມໃຫ້ເຮົາ
ຍິນດີເພາະມີຄູ່ຮັກແກ່ໃຈ
ກັບຂອງອັນດີທີ່ມີທົ່ວໄປ (ຊ້ຳ)
3 ຂໍຊ່ອຍໃນການທຸກສິ່ງທຸກຢ່າງ
ໃຫ້ມີໃຈຮັກແພງໝູ່ຕາມທາງ
ໃນທາງວາຈາແລະການກະທຳ
ຂໍໃຫ້ຈຳເຣີນເປັນຄົນຊອບທຳ (ຊ້ຳ)
໖໒ ໃຈມະນຸດ (197)
1 ໃຈມະນຸດສຸດລໍ້ລວງ
ຄຽດຊັງຢ່າງໜັກໜ່ວງ
ບໍ່ອາດຊ່ອຍຕົນເອງໄດ້
ທັງໝົດຕ້ອງປ່ຽນໃໝ່
ຂໍ້ຊ້ຳ: ຜູ້ໃດມາຫາພຣະເຈົ້າ
ເຊື່ອສາຣະພາບບາບເກົ່າ
ຊົງຊ່ອຍໄດ້ຈົນສຸດປາຍ
ບາບນັ້ນຈະຫຼຸດຫາຍ
2 ດວງໃຈນັ້ນດຳແສນດຳ
ດ້ວຍຄວາມບາບຄອບງຳ
ຈະຊຳຣະໃຫ້ເສາະໃສ
ດ້ວຍໂລຫິດຫຼັງໄຫຼ (ຊ້ຳ)
3 ດວງໃຈນັ້ນແຂງຄືຫີນ
ແຂງກະດ້າງໝົດສິ້ນ
ໃຜບໍ່ຮູ້ປ່ຽນໃຈເອງ
ພຣະວິນຍານປ່ຽນໄດ້ (ຊ້ຳ)
4 ດວງໃຈນັ້ນເຕັມດ້ວຍບາບ
ເປັນໃຈທີ່ອ່ອນແຮງ
ຊ່ອຍຕົນເອງບໍ່ໄດ້ແທ້
ພຣະຄຣິດຊົງຊ່ອຍໄດ້ (ຊ້ຳ)
5 ບາບໃດຢູ່ໃນໃຈຕົນ
ໂລບຮ້າຍຫຼົງມືດໄປ
ຊັນນະສູດກວດໃຈເອງ
ແລ້ວຮັບຍອມໂດຍໄວ (ຊ້ຳ)
໖໓ ສິ່ງອັນໃດລ້າງຜິດບາບໄດ້ (200)
1 ສິ່ງອັນໃດລ້າງຜິດບາບໄດ້
ມີແຕ່ໂລຫິດຂອງ ພຣະເຢຊູ
ສິ່ງອັນໃດເຮັດໃຫ້ດີໄດ້
ມີແຕ່ໂລຫິດຂອງ ພຣະເຢຊູ
ຂໍ້ຊ້ຳ:ໂລຫິດປະເສີດພຣະອົງ
ຊຳຣະເຮົາໃຫ້ເປັນຄົນດີ
ບໍ່ມີສິ່ງອັນໃດອື່ນ
ມີແຕ່ໂລຫິດຂອງ ພຣະເຢຊູ
2 ສິ່ງອັນໃດໃຫ້ພົ້ນບາບໄດ້
ມີແຕ່ໂລຫິດຂອງ ພຣະເຢຊູ
ສິ່ງອັນໃດອາດລຶບຜິດໄດ້
ມີແຕ່ໂລຫິດຂອງ ພຣະເຢຊູ (ຊ້ຳ)
3 ບໍ່ມີໃຜອາດໄຖ່ໂທດໄດ້
ມີແຕ່ໂລຫິດຂອງ ພຣະເຢຊູ
ການດີໃຜກໍເຮັດບໍ່ໄດ້
ມີແຕ່ເພີ່ງໂລຫິດພຣະເຢຊູ (ຊ້ຳ)
4 ນີ້ແຫຼະຄວາມສຳລານມະນຸດ
ຄືໃນໂລຫິດຂອງ ພຣະເຢຊູ
ນີ້ແຫຼະຄວາມຊອບທຳທີ່ສຸດ
ຄືໃນໂລຫິດຂອງ ພຣະເຢຊູ (ຊ້ຳ)