Nkauj Raws Lej #
#101-PUB NEEG TXHAUM RAU KUV
Kuv tus Vajtswv thov koj nrog kuv
Coj neeg txhaum rov los tsev
Thov koj txo kuv lub siab kom qes
Coj neeg txhaum rov los tsev
Coj neeg txhaum rov los tsev
Coj neeg txhaum rov los tsev
Thov koj txo kuv lub siab kom qes
Coj neeg txhaum rov los tsev
#102-KUV THOV NYOB ZE VAJTSWV
Nearer ,My God To Thee
1. Kuv thov nyob ze Vajtswv nyob ze Vajtswv
Yog tias ntxwg nyoog ntxias siab kom ntxub Vajtswv
Kuv yuav hu nkauj hais tias kuv thov nyob ze Vajtswv
Kuv yuav nyob ze Vajtswv nyob ze Vajtswv
2. Txawm tias kuv tau yuam kev raws txoj kev phem
Uas kuv lub siab tseem nco ntsoov txog Vajtswv
Kuv ua npau suav hais tias kuv tau nyob ze Vajtswv
Kuv thov nyob ze Vajtswv nyob ze Vajtswv
3. Vajtswv tau tuam ntaiv los puag saum lub ntuj.
Siab dua lub hnub lub hli thiab cov hnub qub.
Nws cov tub txib hu kuv kom los nyob ze Vajtswv
Kuv thov nyob ze Vajtswv nyob ze Vajtswv
4. Yog tias kuv muaj phob tis ya mus saum ntuj
Yuav ya mus nrog Vajtswv nws nyob ua ke
Kuv yuav hu nkauj hais tias kuv tau nyob ze Vajtswv
Kuv tau nyob ze Vajtswv nyob ze Vajtswv
#103-VAJ YESXUS YOG TUS THAWJ COJ
Jesus Saviour ,Pilot Me
1. Vaj Yesxus yog tus thawj coj
Thov pab coj kuv hla dhau mus
Hauv hiavtxwv tob heev kuv ntshai
Cua ntsawj tuaj sab pem sab nrad
Tsis muaj leejtwg yuav pab tau
Vaj Yesxus thov koj pab kuv
2. Vajtswv nws nplij kuv lub siab
Yam leej niam ntxias menyuam mos
Hiavtxwv loj cua tshuab kuv ntshai
Kuv saib mus ntawm Vaj Yesxus
Kuv tau hnov Vaj Yesxus hais
Tias txhob ntshai kuv yuav xa koj
3. Thaum kuv mus yuav txog tim ntug
Tau hnov lub suab dej ntsawj nrov
Kuv lub siab thov nyob ze koj
Kuv thov koj tuav kuv txhais tes
Thiab tau hnov Vajtswv lub suab
Tias txhob ntshai kuv nrog koj nyob
#104-KUV NTSIB PHOOJ YWG
I’ve Found A Friend
1. Kuv ntsib phoojywg yog phoojywg zoo
Nws muaj siab hlub kuv kawg nkaus
Nws rub kuv los puag vim yog hlub
Uas kuv yuav tsis txom nyem li
Kuv yog nws kwv nws yog kuv tij
Yuav ua li ntawd mus ib sim
Kuv yog nws kwv nws yog kuv tij
Yuav ua li ntawd mus ib sim
2. Kuv ntsib phoojywg yog phoojywg zoo
Pab kuv txoj sia nws yeem tuag
Nws muab lub cev thiab nws txoj sia
Yeem tuag this kuv tsis khuv xim
Yam uas tseem ceeb kuv tsis muaj li
Uas yuav muab pub rau Vajtswv
Tsua yog lub siab thiab kuv lub cev
Kuv thov muab pub rau Vajtswv
3. Kuv ntsib phooj ywg yog phooj ywg zoo
Nws muaj hwj chim loj kawg nkaus
Nws tau zov tsomkwm thiab saib xyuas
Thiab yuav coj kuv mus saum ntuj
Kuv lub siab tsuas muaj xyivfab xwb
Kuv nco ntsoov txog Ceebtsheej ntuj
Kuv yuav rau siab ua nws li num
Muaj hnub kuv yuav nrog nws mus
4. Kuv ntsib phooj ywg yog phooj ywg zoo
Nws nplooj siab nplooj ntsws ncaj ncees
Ua tus thawj coj muaj Tswv yim zoo
Thaum muaj kev ntshai nws pab tau
Vajtswv kev hlub muaj ntau kawg nkaus
Xwm txheej dab tsi kuv tsis ntshai
Txawm ciaj los tuag nyob hauv qhov ntxa
Nws yeej tsis muab kuv pov tseg
#105-YESXUS YOG TUS KWV LUAG
What A Friend We Have In Jesus
1. Yesxus yog kuv tus kwv luag zoo
Nws ris kuv li kev txom nyem
Nws yuav tsis muab kuv tso pov tseg
Leej twg yuav hlub kuv li nws
Tsis muag leej twg yuav hlub kuv
Kuv tso siab rau Tswv Yesxus
Yog lub chaw uas kuv tau vam khom
Kuv ntseeg tias nws nrog kuv nyob
2. Thaum uas yus ntsib txoj kev ntxhov siab
Ua rau yus lub siab quaj ntsuag
Tshuav Vajtswv Yexus nws ib leeg
Thiaj yuav pab tau yus lub neej
Thaum kwv tij kwv luag yuav ntxub yus
Kom yus tsis txhob tau poob siab
Vajtswv hlub nws yuav pab yus thiab
Kom tau kev zoo siab xyivfab
3. Txoj kev txom nyem tshwm qhov twg los
Txawj ua kom kuv lub siab ntxhov
Kuv raug kev txom nyem ua luaj no
Leej twg yuav hais kuv ib los
Kuv yuav nrhiav ib tug ua kwv luag
Nrhiav thoob ntiagteb ntshe tsis muaj
Kuv yuav nrhiav kev dim txoj kev tuag
Nrhiav ntawm Yesxus thiaj li muaj
#106-TSIS MUAJ LI
No,Not One
1. Tsis muaj kwvluag pab peb tau yam Yesxus
Tsis muaj li tsis muaj li
Tsis muaj leejtwg muaj hwj chim pab tau li
Tsis muaj li tsis muaj li
Peb ua txhaum Yesxus paub tag nrho li
Vaj Yesxus nws yuav pab peb dim
Tsis muaj kwv luag yuav pab tau yam Yesxus
Tsis muaj li tsis muaj li
2. Yesxus nqes los ua ntiajteb li Cawmseej
Tso peb dim tso peb dim
This tibneeg tuag peb tsis tau raug teem txim
Teev peb chaw teev peb chaw
3. Yesxus tuag saum khaub lig ntoo khwv kawg li
This peb chaw this peb chaw
Muab kuv txhaum txim daws pov tseg huv huv
Kuv dim lawm kuv dim lawm
4. Yesxus niajhnub tsomkwm peb cov sawvdaws
Nws pab peb nws pab peb
Kuv mus qhov twg Tswv Yesxus nrog kuv mus
Nws hlub kuv nws hlub kuv
#107-VAM KHOM VAJTSWV TXHAIS TES
What a Fellowship, What a Joy Divine
1. Yesxus yog kwv luag nws zoo kawg nkaus li
Vam khom Vajtswv nws ob txhais tes pab
Uas koob hmoov ntau kawg yog chaw uas xyivfab
Vamkhom ntawm Vajtswv nws ob txhais tes
Vam khom mus Ii
Kom dhau ntawm yeebncuab kev txomnyem
Vam khom mus li
Vam khom ntawm Vajtswv nws ob txhais tes
2. Kuv siab xyivfab hlo mus rau txhua hauv kev
Vam khom ntawm Vajtswv nws ob txhais tes
Txhua hnub kuv tsis ntshai txhua hmo kuv tsis txhawj
Thaum vam khom ntawm Vajtswv lub hwj chim
3. Noj qav los paug siab haus dej los paug cev
Thaum vam khom ntawm Vajtswv lub xib teg
Vajtswv nws nyob ze kuv siab tus qas yees
Vam khom Vaj Yesxus mus ib simneej
#108-PEB SAWV DAWS HU NKAUJ
In A Little While Were Going Home
1. Peb sawvdaws hu nkauj thaum taug kev mus lawm saum ntuj
Tshav ntuj nrig thaum taug kev rov mus tsev
Tshuav tsis ntev twb yuav txog rau hnub uas ntiajteb kawg
Sawvdaws yuav zoo siab thaum rov mus tsev
Thaum txog sij hawm mus, Thaum txog sij hawm mus
Peb yuav muab ntiajteb tso tseg
Peb yuav rov ua ke thaum Peb dhau txoj kev txomnyem
Sawvdaws yuav zoo siab thaum rov mus tsev
2. Peb sawvdaws muab siab ua Vajtswv hauj lwm mus li
Tshav ntuj nrig thaum taug kev rov mus tsev
Vajtswv lub hwj chim yuav pab peb kom dhau kev phem
Sawvdaws yuav zoo siab thaum rov mus tsev
3. Peb yuav tau mus so yuav tsis nco txoj kev txom nyem
Sawvdaws yuav zoo siab thaum rov mus tsev
Thaum peb sawvdaws yuav tau taug kev rov qab mus tsev
Peb sawvdaws muaj lus zoo siab xyivfab
#109-ZOO SIAB KAWG
Step By Step
1. Zoo siab kawg kuv tus Tswv Yesxus
Koj txoj kev kaj ua kuv ntej
Kuv lub txim koj ris mus huv si
Koj muab kuv lub txim pov tseg
Nrog koj mus, majmam mus
Nrog tus Tswv Yexus mus
Nrog koj mus, mus ib txhis
Nim no mus tsis rov thim
2. Tso phluav tseg nrog koj mus Yesxus
Tseg txoj kev dab thiab kev qhua
Nram ntej tsis paub thiaj mus kev phem
Nim no kuv qhov muag pom kev
3. Tswv Yesxus qhia tias yog txoj no
Thov koj pab txhob cia kuv thim
Kuv lub txim koj pab daws huv si
Vim muaj koj kuv thiaj li dim
#110-YESXUS COJ KUV MUS KEV
He Leadeth Me
1. Yesxus coj kuv mus kev tshav ntuj
Kuv paub li no muaj siab tus tus
Vim yog Vajtswv nws nrog kuv mus
Tus Tswv Yesxus coj kuv mus tiag
Nws coj kuv mus nws coj kuv mus
Nws tuav kuv tes coj kuv mus kev
Kuv vam khom nws kuv nrog nws mus
Vim Yesxus tuav tes coj kuv mus
2. Zaum puav taug kev zoo siab xyivfab
Zaum puav ntsib kev sim siab ceeb laj
Tsis ntshai kuv paub muaj ib tug hlub
Kuv paub tus Tswv tseem coj kuv mus
3. Ua tsaug Yesxus koj tuav kuv tes
Thov tuav zoo zoo coj kuv mus kev
Lub siab lub cev thiab kuv hauj lwm
Kuv pub rau koj thiaj raws koj mus
4. Txog thaum tag sim neeg nyob ntiajteb
Lub caij nce ntuj los txog ntua yus
Thov pub kuv muaj siab tus siab tuab
Yesxus tuav kuv hla dhau kev tuag
#111-KUV XAV TXOG CEEB TSHEEJ
I am Thinking Today of that Beautiful Land
1. Kuv xav txog nroog ceeb tsheej uas xyivfab ntawm hnubno
Thaum lub ntiajteb dhau lawm yuav tau nyob
Kuv tau muaj txoj siab nyob yog Vajtswv pub rau kuv
Lub hnub qub ntawm momkub kuv puas muaj
Lub hnub qub ntawm meej thawb kuv lub mom kub
Puas muaj thaum lub hnub uas tau ploj thiab poob lawm
Thaum lub ntuj thiab lub teb raug puam tsuaj tag huv si
Puas yuav muaj lub mom kub rau kuv ntoo
2. Kuv thov Vajtswv koj pab lub dag zog los rau kuv
Thaum kuv mus coj neeg los cuag txoj siav
Thov koj pub lub mom kub uas muaj hnub qub ntsa iab
Ntawm txoj sia rau kuv hnub koj rov los
3. Thaum kuv pom Tswv Yesxus mas yuav zoo kuv siab heev
Saum ceeb tsheej kuv nrog nws nyob ua ke
Yog tias kuv tau txais lub mom kub tshiab ci ntsa iab
Kuv lub siab xyivfab kawg mus ib sim
#112-SAUM HAUV ROOB ES-DEES
Beautiful Valley Of Eden
1. Saum hauv roob zoo nkauj yam Es-dees
Ntxoov ntxoo los luas nto toj
Ua tus txomnyem lub chaw los so
Yuav zoo siab thiab xyivfab
Saum hauv roob zoo nkauj yam Es-dees
Ua ntxoov ntxoo rau kuv nraim
Yog qhov chaw uas kuv yuav tau mus nyob
Uas kuv lub siab niajhnub xav ntsoov txog
2. Tus uas nws ntsib txoj kev lwj siab
Yuav tau txais kev xyivfab
Tau hnov neeg qaum ntuj hu nkauj tuaj
Suab nkauj nrov kho siab khuav
3. Saum Ceebtsheej muaj kev xyivfab heev
Nrog Vajtswv nyob ua ke
Siab dua ntuj ntsuab thiab cov huab dawb
Hu nkauj zoo siab mus li
#113-TSIS MUAJ KEV TSAUS NTUJ
There’ll Be No Dark Valley
1. Tsis muaj kev tsaus ntuj thaum Yesxus nqes los
Tsis muaj kev tsaus ntuj thaum Yesxus nqes los
Yuav muaj tshav ntuj xwb thaum Yesxus nqes los
Nws yuav coj peb mus saum ntuj
Nws yuav coj peb mus saum ntuj
Nws yuav coj peb mus saum ntuj
Tsis muaj kev tsaus ntuj thaum Yesxus nqes los
Nws yuav coj peb mus saum ntuj
2. Tsis muaj mob xeeb txob thaum Yesxus nqes los
Tsis muaj mob xeeb txob thaum Yesxus nqes los
Yog hnub uas zoo siab thaum Yesxus nqes los
Nws yuav coj peb mus saum ntuj
3. Tsis muaj kev quaj qw thaum Yesxus nqes los
Tsis muaj kev quaj qw thaum Yesxus nqes los
Yuav muaj kev luag luag thaum Yesxus nqes los
Nws yuav coj peb mus saum ntuj
4. Peb hu nkauj zoo siab thaum Yesxus nqes los
Peb hu nkauj zoo siab thaum Yesxus nqes los
Tau saib laj zoo siab thaum Yesxus nqes los
Nws yuav coj peb mus saum ntuj
#114-YESXUS HLUB KUV
I Am So Glad That OurFather
1. Kuv los sis xyivfab vim muaj Vajtswv ntuj
Nws hlub kuv muaj phau ntawm fajlem qhia kuv
Nws li phau ntawv muaj lus tsim txiaj ntau ntau
Zaj tsim txiaj kawg nkaus yog Yesxus hlub kuv
Kuv siab xyivfab vim Yesxus hlub kuv
Yesxus hlub kub Yesxus hlub kuv
Kuv siab xyivfab vim Yesxus hlub kuv
Cawm seej Yesxus hlub kuv
2. kwv tij cia peb ua ib siab mus ib txog
Ntiajteb no txoj kev phem yuav tsis txhob nco
Yesxus coj peb mus txoj kev tshav ntuj nrig
Peb ua ke zoo siab mus li no ib sim
3. Kuv xav txog txoj kev tau zoo thiab nplua nuj
Ntshe zoo tsis cuag kuv tau cawm seej Yesxus
Kuv xav txog txoj kev ua nom thiab muaj nyiaj
Ua li los ntshe pab tsis tau kuv txoj siav
#115-NYOB TWJ YWM
Be Silent ,Be silent
1. Nyob twj ywm nyob twj ywm
Tsis txhob hais lus nrov
Txhub hais lus muab siab mloog
Txoj lus qhia uas zoo
Maj mam txhob mus kev nrov
Vim Vajtswv nyob ze
Kom sawvdaws nyob twj ywm
Peb yuav hawm Vajtswv
2. Nyob twj ywm nyob twj ywm
Qhov no tsim txiaj kawg
Mloog cov xib hwb yuav piav
Vajtswv txoj kev cai
3. Nyob twj ywm nyob twj ywm
Kom thov ntawm siab tseeb
No yog peb lub chaw thov
Thaum peb tuaj ua ke
#116-THAUM NRHIAV VAJTSWV
Sweet Hour Of Prayer
1. Thaum nrhiav Vajtswv thaum ua nws tsaug
Yuav dhau txoj kev txom nyem huv si
Yog peb muaj txim qhia rau nws paub
Vajtswv Saub yuav daws peb lub txim
Kev nyuaj siab kuj tau tag huv si
Thaum ua thov Saub thiab ua nws tsaug
Yog tias muaj kev ntxhov siab yuav tau
Thov Vajtswv Saub thiab ua nws tsau
2. Thaum nrhiav Vajtswv thaum ua nws tsaug
Vajtswv yog tus uas hais zaj tseeb
Nws yuav foom hmoov rau peb cov ntseeg
Nws yuav nrog peb nyob thiab qhia peb
Peb yuav ua raws koj lub siab nyiam
Uas tau hais cia kom peb nrhiav nws
Yam uas peb xav tau kom peb thov
Ntawm Vajtswv Saub uas nyob saum ntuj
3. Thaum nrhiav Vajtswv thaum ua nws tsaug
Nws tau hais zaj lus zoo peb siab
Thaum muaj siav tshiab thiaj tau nce mus
Saum nroog Ceebtsheej uas zoo kawg nkaus
Thaum uas nyob hauv ntuj Ceebtsheej tshiab
Peb yuav pom Vajtswv Saub lub tsev
Hu nkauj lomzem thaum uas nce mus
Tseg ncua ntiajteb qub tsis nco txog
#117-VAJNTXWV YESXUS
Come Thou Almightly King
1. Kuv thov Vajntxwv Yesxus
Muaj hwjchim loj dua ntais
Yog Vajtswv Saub
Thov Vajtswv koj qhia kuv
Txhawb nqa Vajtswv tsis tseg
Yog tus muaj lus hlub peb
Ib txhim tsis kawg
2. Kuv thov Vaj Ntsujplig los
Mloog kuv kuv lo lus thov Saub
Vajtswv Yesxus
Thov koj foom hmoov rau peb
Txhob muab peb cov tso tseg
Ntsujplig tsim txiaj kawg nkaus
Thov nrog peb nyob
3. Thov Saub Yesxus Ntsujplig
Los nrog peb sawvdaws nyob
Lub sij hawm no
Tus saib xyuas neeg ntiajteb
Nyob rau qhov txhia qhov chaw
Tsim nyog yuav tau txhawb nqa
mus li tsis kawg
#118-THOV VAJTSWV KHUV LEEJ
Abide With Me
1. Thov kev khuv leej ntawm Vajtswv nrog peb nyob
Txog thaum hnub qaij uas yuav tsaus ntuj los txog
Tsis muaj leej twg yuav hlub peb yam li Koj
Thov koj tau pab thiab nrog peb nyob mus li
2. Kuv txojsia luv raws li lub hnub nyoog ntawd
Lub ntiajteb tsis ntev yuav raug puam tsuaj mus
Thaum ntiajteb dhau cov ntseeg tau txojsia ntev
Leejtxiv Saub thov koj txhob nrug deb ntawm peb
3. Kuv cheemtsum Vajtswv koj los pab cuam kuv
Ntxwg nyoog pheej nrhiav kev los yuam kuv txoj sia
Tsis muaj leej twg yuav muaj peev xwm pab tau
Thov Cawmseej koj lub hwj chim pov hwm kuv
4. Kuv tsis ntshai thaum Vajtswv nws nrog kuv nyob
Tej kev phem kev lwj siab kuv yuav tsis nco
Muaj kev xyivfab thaum Vajtswv nws nyob ze
Yog Vajtswv nrog peb nyob dab yuav ntshai peb
#119-ROOB XAIS OOS
The Lord In Zion Reigneth
1. Roob Xi-oos Vajtswv nws nyob
Kom peb txoj siab xyivfab
Txhij txhua ntawm nws lub rooj uas zaum
Muaj lus xyivfab ntau ntau
Saum Xi-oos Vajtswv nws nyob
Txhawb nqa Vajtswv mus li
Tsoom Vajntxwv sawvdaws hawm txog nws
Hu nkauj qhuas nws lub npe
2. Ntawm Xi-oos Vajtswv nws nyob
Nws ib leeg thiaj ncajncees
Txhua yam hauv ntiajteb nyob nws tes
Hiavtxwv toj roob nws kav
Txhawb nqa qhuas txog nws lub npe
Thooj txhij xa nws lub moo
Hais txog Vajtswv nws txoj kev dim
Uas pab kom dhau kev tuag
3. Ntawm Xi-oos Vajtswv nws nyob
Nim no peb sawvdaws yuav
Tsum los hawm nws lub npe uas zoo
Thooj txhij hu nkauj txhawb nqa
Ntawm Vajtswv nws tus duab ntxoov
Kom txhua leej txhos caug pe
Txhawb nqa peb tus Tswv nyob saum ntuj
Ntuj hawm nws lub hwj chim
#120-PUB HUV SI RAU YESXUS
All To Jesus I Surrender
1. Kuv muab huv si rau Vaj Yesxus
Kuv lub siab thiab kuv lub cev
Kuv yuav hlub nws kuv yuav ntseeg nws
Nyob ntawm nws xub ntiag mus li
Pub huv si rau Saub
Pub huv si rau Saub
Kuv lub cev lub siab thiab hauj lwm
Pub huv si rau Saub
2. Kuv tus Tswv Yesxus kuv muaj txim
Kuv lub txim loj tag nrho li
Thaum uas koj tuag saum khaublig ntoo
Daws ntiajteb no lub txim txhaum
3. Tswv Yesxus koj muab koj txoj siav
Pub dawb dawb rau kuv huv si
Koj pheej hlub kuv kuv tsis tsim nyog
Txais Vajtswv koj txoj kev hlub
4. Kuv muab huv si rau Vaj Yesxus
Kuv paub koj muaj hwj chim loj
Zoo siab ua koj pub txoj siav tshiab
Kuv thov qhuas txog koj ib leeg
#121-VAJTSWV NYOB HAUV VIS HAM
The Lords Is In His Holy Temple
Vajtswv nws nyob hauv visham tsim txiaj
Vajtswv nws nyob hauv visham tsim txiaj
Tu peb lub siab kom txhij txhua
Tu peb lub siab kom txhij txhua thaum hawm nws
Peb koom siab los hawm nws ntawm nws xub ntiag
#122-THAUM KUV NCO TXOG YESXUS
Jesus ,The Very Though Of Thee
1. Thaum kuv nco txog Vajtswv Yesxus
Tau ua rau kuv zoo siab.
Tsis ntev yuav tau zoo siab ntau dua
Yog thaum Vajtswv rov los.
2. Vajtswv lub npe tsim txiaj kawg nkaus
Tsis muaj yam twg piv tau.
Muaj koob muaj meej npe nrov tshaj plaws
Saum ceeb tsheej thiab ntiajteb.
3. Nws yog lub chaw tib neeg vam khom
Nws yog peb lub chaw so
Txawm yog qee zaum ntsib kev ceeb laj
Nws tseem ce tes los pab.
#123- KEV XYIVFAB HNUB NO
Blessing Today
1. Kev xyivfab hnub no siab tus
Peb sawvdaws tau txais hmoov zoo
Ntawm Vajtswv li hwj chim
Npe yog tus Vajtswv ntuj
Peb sawvdaws tau kawm lawm
Hauv peb leej txiv txoj lus
Hauv peb leej txiv txoj lus
Vaj Ntsujplig tus coj saib laj
2. Cia peb haum siab thov tus Tswv
Ua siab kaj pe Vajtswv ntuj
Thov tus Tswv los pab peb
Ntaus Tswv yim kev saib laj
Thov Yesxus nrog nraim peb
Txhua hnub txhua lub sij hawm
Txhua hnub txhua lub sij hawm
Npe hu ua Vajtswv Yesxus
#124-PEB TXHAWB NQA
Revive Us Again
1. Peb txhawb nqa Vajtswv tus uas muaj lus hlub peb
Tso leej tub nqes los tuag thiab sawv tsees rov qab los
Haleluyas txhawb nqa Vajtswv, Haleluyas Asmee
Haleluyas txhawb nqa Vajtswv, thov tsa peb lub siab
2. Peb txhawb nqa Vajtswv pub kev tshav ntuj rau peb
Thiab qhia kom peb nkag siab txog tus cawm seej Yesxus
3. Peb txhawb nqa Vajtswv, tus uas tau tuag this peb
Nws yug los vim yuav txais ntiajteb no txoj kev txhaum
4. Thov tsa peb lub siab, kom peb paub kev sib hlub
Kom peb ua lub siab kub txog lub nroog ceeb tsheej ntuj.
#125- KUV TAU HU NKAUJ TXHAWB NQA
I Sing The Mightly Power
1. Kuv tau hu nkauj txhawb nqa Vajtswv
Tus uas tau tsis roob cia
Tau tsim me dej thiab tsim hiav txwv
Tau tsim kom muaj ntiajteb
Kuv hu nkauj qhuas Vajtswv tus tsim
Uas tau tsim lub hnub cia
Kom lub hli tau kav rau hmo ntuj
Thiab tau tsim cov hnub qub
2. Kuv tau hu nkauj qhuas Vajtswv Saub
Yog tus tsim mov zaub cia
Nws ib suab hu tsiaj txhu tawm tuaj
Raws li Vajtswv nws hais
Peb Vajtswv Saub kuv saib qhov twg
Puav leej yog Vajtswv tsim
Raws koj lus hlub tib neeg ntiagteb
Tag nrho puag saum lub ntuj
3. Hav xyoob hav ntoo thiab cov nroj tsuag
Tau qhia txog Vajtswv nws
Tej huab cua ntawd thiab cov faj suab
Qhia txog Vajtswv hwj chim
Vajtswv pub txoj siav rau txhua yam
Thiab tau tsom kwm txhua tus
Txhua txhia qhov chaw uas kuv tau nyob
Vajtswv zov zos ib sim
#126- YUAV TXHAWB NQA
I Will Sing Of Jesus Love
1. Yuav txhawv nqa (yuav txhawb nqa) kuv tus Vajtswv
Tus uas muaj (tus uas muaj) siab hlub tshua kuv
Tau nqes saum (tau nqes saum) lub ntuj los tuag
Saum lub roob pob txha taub hau
Yuav txhawb nqa (yuav txhawb nqa) kuv tus Vajtswv
Hauv nplooj siab (hauv nplooj siab) mus ib sim neej
Vim yog kuv (vim yog kuv) Koj thiaj tau tuag
Kuv thov hu nkauj ua koj tsaug
2. Ua ntej uas (ua ntej uas) kuv kua muag los
Koj twb tau (koj twb tau) quaj this kuv lawm
Ua ntej uas (ua ntej uas) kuv yuav txom nyem
Koj twb txom nyem this kuv lawm
3. Txoj kev hlub (txoj kev hlub) ntawm Vajtswv Saub
Ntiajteb no (ntiajteb no) yuav piv tsis tau
Txawm yog kuv (txawm yog kuv) lub txim luaj twg
Nws yuav ntxuav kom kuv dhau mus
4. Kuv tsis txeev (kuv tsis txeev) tau ua kev zoo
Vajtswv nws (Vajtswv nws) tau pub kev hlub
Kuv thov pub (kuv thov pub ) lub siab rau koj
Pab kom kuv txawj hlub koj mus
#127-CAWM SEEJ YESXUS TUAG
Down At The Cross
1. Cawm seej Yesxus tuag saum ntoo khaub lig
Kuv thov tus Tswv pab daws kuv lub txim
Nws muab ntshav ntxuav kuv thiab tso kuv dim
Qhuas tus Tswv Yesxus
Qhuas tus Tswv Yesxus
Qhuas tus Tswv Yesxus
Yesxus cov ntshav
Ntxuav kuv siab huv huv
Qhuas tus Tswv Yesxus
2. Kuv li txhaum txim kuv li txoj kev khwv
Kuv muab huv si qhia rau kuv tus Tswv
Nws thiaj li coj mus pov tseg huv huv
Qhuas tus Tswv yesxus
3. Sawvdaws ua txhaum sawv daws muaj lub txim
Lub txim muab rau kuv tus cawm seej ris
Hnub no koj ntseeg hnub no koj thiaj dim
Qhuas tus Tswv Yesxus
#128-KOM TUAJ TXHAWB NQA VAJTSWV
Praise To The Lord
1. Kom tuaj txhawb nqa
Vajtswv tus loj uas tau tsim lub ntiajteb
Kuv nplooj siab yuav
Txhawb nqa Vajtswv tus uas tau pab kuv dim
Rau peb cov ntseeg uas tau tuaj nyob hauv lub tsev
Peb sawvdaws txhawb nqa Vajtswv ntuj
2. Kom tuaj txhawb nqa
Tus uas tau pab txhua txoj siav kom tau dim
Nws tau tsom kwm
Saib xyuas sawvdaws ntawm nws lo lus khuv leej
Txawm yus tsis paub Txoj kev cheem tsum ntawm yus cev
Tiam sis Vajtswv nws yuav pub yus
3. Kom tuaj txhawb nqa
Vajtswv tus tau qheb kev ua noj rau peb
Txoj kev tshav ntuj
Uas yog Vajtswv nrog peb nyob mus ib sim
Peb sawvdaws tsim
Nyog ua Vajtswv Saub nws tsaug
Vim nws pab peb dhau txoj kev tuag
#129 -THAUM YUAV POM KEV
Lord In The Morning
1. Thaum yuav pom kev kuv lub suab nkauj
Hu qhuas txog Vajtswv ntuj
Ntawm lub suab nkauj kuv yuav thov Saub
Thiab ua Vajtswv nws tsaug
2. Vaj Yesxus mus rau saum lub roob
Thov daws ntiajteb lub txim
Coj peb lus thov qhia Vajtswv Saub
Txog peb txoj kev txomnyem
3. Vaj Ntsujplig nws tau coj kuv taug
Mus hauv txoj kev ncaj nceeg
Kuv mloog thiab ua raws li nws hais
Thov coj kuv mus sib sim
4. Cov neeg sawvdaws uas tau ntseeg nws
Yuav tau txais kev xyivfab.
Vajtswv nws yuav ua peb cov ntseeg
Sawvdaws lub chaw vamkhom.
#130 - KOM KOOM MUAB MOM KUB
Crown Him With Many Crowns
1. Kom koom muab lub mom kub
Rau leej tub saum tsheej ntxwv
Suab nkauj saum ntuj nrov kom los mloog
Lub suab nkauj nrov ncha nthw
Lub siab sawv nrog suab nkauj
Lom zem hais txog cawm seej
Tus uas muaj hwj chim loj dua ntais
Mus li ib sim tsis kawg
2. Yog tus Tswv ntawm kev hlub
Nws txhais tes thiab lub cev
Uas raug ntsia saum tus ntoo khaub lig
Yog qhov chaw rhiab siab heev
Tsis muaj neeg saum qaum ntuj
Yuav tig saib Vajtswv taus
Tsuas yog muaj phem hwj hauv siab tias
Vajtswv muaj lus hlub tiag
3. Yog tus Tswv kev xyivfab
Nws txhais tes muaj hwj chim
Tiv thaiv kev phem thoob qab ntuj no
Thov los txhawb nqa thiab qhuas
Nws meej thawb nyob txhua nrho
Txhua qhov Vajtswv mus los
Muaj paj xyoob paj ntoos tawg mus li
Yeej yuav nyob mus ib sim
4. Ua tus Tswv saum qaum ntuj
Ua Tswv ntawm lub sij hawm
Tus tsim lub ntuj hnub qub thiab av
Loj dhau uas kuv hais tag
Los nws yeem tso saum ntuj
Nqes los tuag this kuv txim
Kuv yuav txhawb nqa nws tsis tseg li
Mus ib sim tsis muaj kawg
#131- TXHAWB NQA VAJTSWV
Praise God From Whom All Blessings Flow
Txhawv nqa Vajtswv tus pub siab tus
Txhawb nqa Vajtswv neeg thoob ntiajteb
Txhawb nqa Vajtswv tub txib saum ntuj
Txhawb nqa leejtxiv leejtub ntsujplig
#132- HUAJ VAM VAJTSWV LUB NPE
Blessed Be The Name
1. Thov kom lub ncauj suav txheeb suav vam
Los txhawb nqa Vajtswv ntuj lub npe
Nws lub meej thawb no loj tshaj plaws
Txhawb nqa nws lub npe uas tsim txiaj
Yuav txawb nqa Vajtswv
Yuav txawb nqa Vajtswv
Txhawb nqa nws lub npe uas tsim txiaj
Yuav txhawb nqa Vajtswv
Yuav txawb nqa Vajtswv
Txhawb nqa Vajtswv tus muaj hwj chim
2. Yesxus lub npe loj kawg kaus li
Txhawb nqa nws lub npe uas tsim txiaj
Cov neeg ua phem txhua leej paub txog
Vajtswv nws lub npe uas tsim txiaj
3. Tau ntxuav txoj kev txhaum tag mus lawm
Txhawb nqa nws lub npe uas huaj vam
Nws cov ntshav ntws los ntxuav neeg txhaum
Txhawb nqa nws lub npe uas zoo kawg
#133- SIJHAWM THOV SAUB
Time Of Prayer
1. Kuv ua Vajtswv tsaug thaum tag kis
Kuv ua Vajtswv tsaug thaum tav su
Kuv ua Vajtswv tsaug thaum tsaus ntuj
Kom ua siab dawb siab huv
2. Vajtswv yuav teb koj thaum tag kis
Vajtswv yuav teb koj thaum tav su
Vajtswv yuav teb koj thaum tsaus ntuj
Kom ua siab dawb siab huv
3 Vajtswv yuav rov los thaum tag kis
Vajtswv yuav rov los thaum tav su
Vajtswv yuav rov los thaum tsaus ntuj
Kom ua siab dawb siab huv
#134- KUV NIAJ HNUB PHEEJ XAV TXOG
The One Who Loves
1. Kuv niaj hnub pheej xav txog koj siab hlub Yesxus
Ib yam hiav txwv loj ntsuas tsis tau
Leej twg paub saib qhov dav saib qhov tob Yesxus
Ntshe tsis muaj ib leeg yuav txawj paub
Koj hlub kuv thiaj nqes los ua tib neeg Yesxus
Tseg koj lub tsev zoo nyob puag saum ntuj
Koj los nyob ntiajteb no thiaj li tuag Yesxus
Txhob txwm tso txoj siav pab kuv dim
Kuv lub siab ua koj tsaug kuv tus Tswv Yesxus
Vim chij yog koj ris kuv lub txim tuag
Kuv lub siab nyiam nyiam koj kuv tus Tswv Yesxus
Vim chij koj hlub kuv tso kuv dim
2. Kuv xav txog koj kev hlub kuv tus Tswv Yesxus
Pub mov rau kuv noj yug txoj sia
Tau mov noj tau dej haus kuv tus Tswv Yesxus
Kuv noj ib sim neej tsis tag li
Koj this kuv los los ntshav kuv tus Tswv Yesxus
Koj tau ntxuav kuv lub siab dawb tshiab lawm
Koj tau pub ntsuj plig los nrog kuv nyob Yesxus
Coj kuv taug kev ncaj mus ib sim
3. Koj kev hlub yam tshav ntuj ntsuas tsis tau Yesxus
Yam li cov hnub qub suav tsis tag
Yam xyoob ntoo nyob hav zoov pom tsis txhua Yesxus
Koj ib leeg thiaj muaj siab hlub kuv
Tshuav tsis ntev koj yuav los tos kuv mus Yesxus
Muaj cev muaj lub siab ib yam li koj
Kuv tsis txawj ua koj tsaug tag kuv siab Yesxus
Kuv thov txhos caug pe koj ib leeg
#135-UA TSAUG
Thank You Lord
Ua koj tsaug uas tau pub txoj siav
Ua koj tsaug uas tau tsim kuv tshiab
Ua koj tsaug uas tau daws kuv txim
Kev dim loj kawg Vajtswv tau pub…Amees
#136-NIM NO THOV UA KOJ TSAUG
Ua koj tsaug Vajtswv Saub koj saib xyuas peb txhua leej txhua tug
Vim koj hlub peb tig neeg nyob hauv lub ntiajteb no
Peb thiaj nco Vajtswv Saub koj li tshav ntuj
Nim no kuv los uas koj tsaug
Thov ua tsaug Vaj Yesxus koj los tuag this txhua leej txhua tus
Vim yog hlub koj thiaj los ua tibneeg tus Cawmseej
Peb txhua leej tau dim dab ntxwg nyoog xib teg
Nim no peb thov ua koj tsaug
Ua koj tsaug VajNtsujplig koj nyog ze peb txhua leej txhua tus
Thov koj hlub peb txhua leej thiab nrog nyog txhua hnub
Vajtswv ntuj Vaj Yesxus thiab Vajtsuj plig
Nim no kuv thov ua koj tsaug
Vajtswv ntuj Vaj Yesxus Vaj Ntsuiplig
Thov ua tsaug mus li ib sim
#137-THAUM HNUB YUAV POOB
Day Is Dying In The West
1. Thaum lub hnub qaij nroos npoo ntuj
Lub poob txog caij tsaus ntuj
Kom nyob tos yuav ua Saub tsaug
haum hnub qub tsom tshav ci vus
Ntsa iab thoob ntuj
Ua tsaug ua tsaug ua tsaug
Rau tus Tswv ntuj
Tus uas loj siab dua lub ntuj
Neeg ntiajteb txhawb nqa Vajtswv
Vajtswv loj kawg.
2. Kom tuaj tos siab xyiv fab hlo
Tsa muag saib saum qab ntuj ntshuab
Hnub qub ntsa iab kho siab khuav
Qaim hli nrig thoob plaws ntiajteb
Qhia Saub hwjchim
3. Vajtswv yog tus Tswv txoj sia
Hauv ntiajteb yog nws tsim cia
Nroog ceeb tsheej yog nws chaw nyob
Kav tag nrho qaum ntuj ntiajteb
Thiab hlub peb heev
#138-VAJTSWV LOJ KAWG
How Great Thou Art
1. Peb tus Vajtswv kuv tau saib thiab tau nco txog
Twb vim yog koj ua tus tsim lub ntiajteb
Thoob plaws qab ntuj txhua yam yog koj tau tsim tseg
Qhia koj lub npe tias koj yog Vajtswv Saub
Kuv yuav hu nkauj qhuas txog Vajtswv tus pab
Vajtswv loj kawg Vajtswv loj kawg
Kuv yuav hu nkauj qhuas txog Vajtswv tus pab
Vajtswv loj kawg muaj hwj chim ntau
2. Thaum kuv xav txog Vajtswv Saub koj txoj kev hlub
Tau tso leej tub nqes los ua tus cawm seej
Txais kev txom nyem tau tuag saum tus ntoo khaub lig
Daws kuv lub txim vim Vajtswv koj hlub kuv
3. Cawm seej yuav los yuav tshuab raj xyu nrov thoob ntuj
Nws los tos kuv mus nyob saum nroog ceeb tsheej
Kuv yuav txhos caug thiab yuav ua Vajtswv kojtsaug
Thiab hu nrov nrov tias Vajtswv koj loj kawg
#139-SAUM NTUJ POM VAJTSWV HWJCHIM
He is Everything To Me
Saum qab ntug pom Vajtswv li hwjchim
Thaum cua tuaj hnov yog li nws lus ntxhi
Hais tias Vajtswv yog tus tsim ntiajteb
Tsim lub hnub lub hli
Thaum paj xyoob paj ntoos tawg nyob ntsa iab
Hnov suab kab suab noog saum tej roob siab
Qhia hais tias Vajtswv nws hlub peb heev
Thiaj nqes los pab peb
Nim no kuv thov ntseeg thiab mloog nws lus
Muaj ib hnub kuv nrog nws mus saum ntuj
Yuav pom Vajtswv tsheej ntxwv uas
Nyob saum qaum ntuj
Uas yog Vajtswv nws tau tsim cia
Nim no muaj yam uas nyob hauv kuv siab
Yog yam uas Vajtswv tu ua ntej cia
Nws hlub kuv txhua hnub nws nrog kuv mus
Nws yog txhua yam ntawm kuv
#140-VAJTSWV TUS TSOM KWM
The Kings Of Kings
1. Vajtswv tus tsom kwm peb tib neeg thiab tsiaj txhu
Vim yog nws tau tsim lub ntiajteb mas nws hlub
Nws tau tso dej nag los yug qoob thiab nroj tsuag
Kom neeg thiab tsiaj txhu tau muaj noj thiaj tsis tuag
2. Vajtswv tus tsom kwm ceeb tsheej ntuj thiab ntiajteb
Nws seeb kom muaj dej thiab cua tshuab rau ntiajteb
Kom yam muaj txoj siav tau ua pa thiaj tau haus
Kom hav xyoob hav ntoo thiaj txawj hlob rau neeg siv
3. Vajtswv yog tus uas nres lub ntuj thiab ntiajteb
Nws tsom kwm lub ntuj thiaj nyob ruaj teb nyob tus
Yog li peb pom tias lub ntuj thiab lub teb no
Tseem nyob ruaj nyob tus mas Vajtswv tsis tuag li
4. Vajtswv yog tus uas nyob mus li tsis txawj kawg
Nws tseem yuav nyob mus lawm tom ntej mus ib txhis
Nws li nws yuav nyob tshaj hwb hwb tsis txawj kawg
Vim nws tsis yog tib neeg uas muaj nqaij yug los
5. Vajtswv yog tus uas nyob mus li tsis txawj kawg
Yog tias leej twg xav nyob mus li yam Vajtswv
Yuav ntseeg nws leej tub uas nqes los hauv ntiajteb
Mas nws thiaj tau nyob tshaj hwb hwb li Vajtswv
#141-THOV PUB ZAUB MOV
Break Thou The Bread Of Life
1. Thov pub zaub mov los yug peb phab Ntsujplig
Yam li thaum tau yug lawv ntawm ntug hiav txwv
Kuv tau ntsib Vaj Yesxus hauv ntawv Fajlem
Kuv thov vam khom nws lub npe mus ib sim
2. Thov pub kom kuv nkag siab txog ntawv Fajlem
Yam li thaum koj qhia ntawm ntug Kha-li-lais
Thov koj daws kuv lub txim yam daws saw hlau
Kom kuv nplooj siab nplooj ntsws tau huv dawb paug
3. Vajtswv yog txoj sia thiab yog Vaj ntsujplig
Nws yog tus Vaj cawm seej uas pab peb dim
Kuv yuav mloog txhua lo lus uas nws qhia kuv
Kuv tseg ncua txoj kev txhaum yuav tsis ua lawm
#142-TSWV YESXUS YOG TUS YUG YUS
Jesus Is The Nurturer
1. Tus Tswv Yesxus yog tus uas tau yug
Tsoom neeg qab ntuj sawvdaws li txoj siav
Puag thaum ntuj raug los txog niaj hnub no
Nws tseem yuav yug mus lawm yav tom ntej
Vim yog nws tsim peb tseg rau ntiajteb
Nws thiaj li hlub peb
Nws tsis xav muab peb tu moo cia tuag
2. Nws thiaj nqes los ua kuv tus cawm seej
Pab kom dim ntawm txoj kev ploj kev tuag
Nws theej kuv chaw saum tus khaub lig ntoo
Vajtswv Yesxus nqes mus rau hauv qhov ntxa
Nrog nyuj vab ntsuas zog nws kov yeej
Dab nws thiaj sawv rov los
Nce mus saum ntuj nrog leej txiv Saub nyob
3. Tus Tswv Yesxus nce mus txog saum ntuj
Nws thiaj li txib Vaj Ntsujplig nqes los
Nrog cov uas ntseeg nyob hauv ntiajteb no
Tus vaj ntsuj plig los nyob thees Yesxus
Nws pab qhia rau yus cim tau tej lus
Uas Yesxus hais tseg
Thiab tig lub siab mus taug txoj kev tshiab
4. Tshuav tsis ntev Tswv Yesxus yuav rov los
Tos peb cov ntseeg uas nyob hauv ntiajteb
Tiam sis nws tsis teem lub caij nyoog tseg
Peb paub ntsoov tias nws yuav nqes rov los
Uas ntiajteb Vajtswv
Tiam sis khuv xim cov uas tsis tau ntseeg
Tsis tau mus nyob nws lub teb chaws tshiab
#143-TUS TSWV YUG ZOO
Jehovah God Cares For Me
1. Tswv Yes-haus-vas yog tus uas yug zoo
Yug kuv txhua hnub mus ib sim yeej tsis tso kuv
Vajtswv tau cia kuv nyob qhov chaw uas zoo
Muaj zaub mov noj tsis tu kuv lub neej
Nyob kaj siab lug
2. Vaj Tswv tau pub kom nplooj siab xyivfab
Tau tuav kuv tes mus hauv txoj kev ncaj kev ncees
Txawm yog tias kuv tseem yuam kev txoj kev phem
Kev tsaus ntuj ntiajteb Vajtswv nws
Tseem tuav kuv tes
3. Kuv thov nraim ntawm Vajtswv tus ntxoov ntxoo
Hauv Vajtswv lub tsev uas yog lub tsheej ntxwv loj
Vajtswv tus ua tau tsim lub ntiajteb no
Yog tus Tswv Yesxus Saub leej tub
Uas muaj lus hlub
4. Kuv thiaj los thov nyob ntawm nws xub ntiag
Thiab kuv los nrhiav Vajtswv ntuj nws txoj kev hlub
Vajtswv tus uas tsim ntiajteb thiab lub ntuj
Yog Vajtswv Yesxus Saub leej tub
Uas muaj lus hlub
#144-KUV THOV NTAWV FAJLEM
Give Me The Bible
1. Kuv nyeem ntawv Fajlem ua rau lub siab xyivfab
Ua kwv luag nyob ze thaum kuv tau ntxhov siab
Thiab ua lub teeb tsom tsis muaj yam twg los npog
Qhia kom kuv paub txog thaum Vaj Yesxus los
Kuv nyeem ntawv Fajlem
Tias cov ntshav muaj hwm chim
Pab kuv kom dim ntawm txoj kev phem huv si
Tag nrho kev qhia lus cog kuv tau nco ntsoov mus
Txog thaum uas ntiajteb yuav raug puam tsuaj mus
2. Kuv nyeem ntawv Fajlem
Thaum uas muaj kev ntxhov siab
Thiab thaum uas ntsib txoj kev ceeb laj hauv siab
Vam khom Vajtswv koj cov lus uas qhia tseg cia
Tias koj yuav pab kuv vim koj hlub kuv tiag
3. Kuv nyeem ntawv Fajlem ua teeb tsom kom kuv pom
Txoj sia ntev los ntawm cov ntshav muaj hwj chim
Kuv pom Vajtswv li hwj chim ua tshav ci los
Saum rooj ntug qhia rau kuv mus cuag Vajtswv.
#145-KUV NYIAM QHIA KEV DIM
Redemed! How I love To Proclaim It!
1. Kuv nyiam qhia txoj kev dim rau luag tej
Yog kev dim ntawm Yesxus cov ntshav
Vim nws muaj lo lus hlub thiab khuv leej kuv
Kuv thiaj li los ua nws menyuam
Kuv tau... dim lawm....
Kuv tau dim vim muaj nws cov ntshav
Kuv tau... dim lawm ...
Nim no kuv thiaj los ua nws tsaug
2. Kev dim ntawm Yesxus yog kev xyivfab
Kuv tsis muaj peev xwm muab piav tag
Tiam sis kuv paub Vajtswv li hwj chim
Nws nrog kuv nyob txhua hnub txhua hmo
3. Kuv paub tias muaj mom kub tseg rau kuv
Saum lub nroog ceeb tsheej uas kuv mus
Yog thaum kuv npaj siab tu cev txhij txhua
Yuav tau mus nrog Tswv Yesxus nyob
#146-LEEJ TWG TAU HNOV
Whosoever Heareth
1. Leej twg uas tau hnov Vajtswv lo lus zoo
Yuav tau sib pab qhuab qhia mus thoob deb thiab ze
Tsis hais qhov twg uas muaj tib neeg sawvdaws nyob
Leej twg uas tau hnov qhia mus
Leej twg uas tau hnov, Leej twg uas tau knov
Yuav tau sib pab qhuab qhia mus rau deb thiab ze
Yog Vajtswv lo lus hu kom sawvdaws los tsev
Leej twg uas tau hnov kom los
2. Leej twg yuav rov los tsis txhob ua siab hnyav
Vim yog lub hnub nyoog uas Vajtswv tos yuav tag
Mus ntawm qhov rooj vim yog Vajtswv tau qheb cia
Leej twg uas tau hnov kom los
3. Leej twg ntseeg Vaj cawm seej yuav muaj txoj siav
Vim yog Vajtswv nws tau hlub thiab tau khuv leej
Yuav pab cov ntseeg kom tau mus nyob saum ceeb tsheej
Leej twg uas tau hnov kom los
#147-KUV XAV PIAV TXOJ LUS ZOO
I Love To Tell The Story
1. Kuv xav piav txoj lus uas zoo
Tsim txiaj puag saum lub ntuj
Yam uas kuv ntsia tsis pom ntawd
Puav leej yog zaj tseeb xwb
Yog Vajtswv txoj lus uas hlub
Thiab nws li tej hwj chim
Kuv lub siab xyivfab mus li
Tsis muaj yam twg piv tau
Kuv xav piav txoj lus uas zoo
Ntawm Tswv Yesxus tus tsim txiaj
Hais txog tej kev puag thaum ub
Kev hlub uas Vajtswv pub
2. Kuv xav piav zaj lus uas zoo
Tseem ceeb thiab phem hwj kawg
Tshaj dua tib neeg yuav hais txog
Tob dua tib neeg yuav paub
Yog tej lus txheej puag thaum ub
Ua rau kuv tau zoo siab
Thiab yuav mus hais rau sawvdaws
Vim muaj txiaj ntsim ntau kawg
3. Kuv xav piav zaj lus uas zoo
Tsim txiaj thiab zoo mloog heev
Niaj hnub hais los kuv tsis dhuav
Muaj ntau leej tsis tau hnov
Vaj Yesxus tus tsim txiaj kawg
Muaj hwj chim pub kom dim
Yog Vajtswv lo lus dawb huv
Kom tib neeg dhau lub txim
#148-KOM MUS COJ NEEG TXHAUM
Firshers Of Men
Kuv kom nej mus qhia rau neeg txhaum
Coj los nrhiav kuv coj los nrhiav kuv
Kuv kom nej mus qhia rau neeg txhaum
Yog nej ua raws kuv
Yog nej ua raws kuv Yog nej ua raws kuv
Kuv kom nej mus qhia rau neeg txhaum
Yog nej ua raws kuv
#149-XA TXOJ KEV KAJ RAU LUAG
Send The Light
1. Cov neeg nyob ntiajteb tsis tau paub Tswv Yesxus
Peb cov ntseeg kav tsij mus
Lawv taug kev tsaus ntuj lawm taug kev ploj kev tuag
Peb cov ntseeg kav tsij mus
Taws lub teeb rau kom neeg taug kev kaj
Txhob thaiv cia pub ci ntsa iab
Taws lub teeb rau kom neeg taug kev kaj
Txhob cia tuag cawm lawv txoj siav
2. Cov neeg ma ka dau nias hu kom peb mus qhia
Peb cov ntseeg peb puas mus
Lawv tos txoj moo zoo lawv xav tau txoj siav tshiab
Peb cov ntseeg kom peb mus qhia
3. Tswv Yesxus hais kom mus qhia thoob txhua txhia qhov
Peb cov ntseeg peb puas nco
Peb nthuav Vajtswv txoj lus mus luag thiaj tau hnov
Peb cov ntseeg peb puas nco
4. Yog peb rau siab ntso qhia mus tsis txhob tso tseg
Peb cov ntseeg yuav muaj zog
Peb yuav coj neeg los ntseeg Tswv Yesxus coob leej
Peb cov ntseeg yuav muaj zog
#150-PAB COV YUAM KEV
Rescue The Perishing
1. Yuav tsum pab cov yuam kev kom tau dim kev tuag
Pab cov tib neeg txhaum thiab pab cov muaj mob
Yuav tsum hlub cov yuam kev thiab qhia rov qab los
Qhias tias yog Yesxus ib leeg thiaj pab tau
Pab kom dim kev txhawj xeeb
Pab kom dim kev tuag
Vaj Yesxus nws khuv leej
Nws hlub sawvdaws
2. Txawm yog ua txhaum npaum twg Vajtswv zam txim tau
Nws lub siab dawb yeej yuav pab yog nej ntseeg
Nws nplij txhua leej lub siab thiab qhia rau txoj zoo
Xav kom peb mloog thiab tig yuav lub siab tshiab
3. Dab ntxwg nyoog los ntxias siab kom peb yuam kev mus
Tig lub siab tshiab kuj tau vim Vajtswv hlub
Vajtswv nws muaj siab nplij peb cov uas yuam kev
Xav kom peb sawvdaws tig los yuav siab tshiab
4. Pab kom dim ntawm kev phem thiab tig los xyaum zoo
Yog leej twg mloog nws yuav pab txhawb lub zog
Coj lawv mus txoj kev ncaj thiab qhia rau lawv paub
Tias muaj Vaj Yesxus ib leeg thiaj pab tau