Nkauj Raws Lej #
#201 - SIB NTSIB SAUM CEEBTSHEEJ
Shall We Gather At The River
1. Peb yuav sib ntsib saum nroog Ceebtsheej
Uas yog lub nroog zoo nkauj heev
Muaj dej haus tag tsis txawj tuag li
Ntws ntawm Vajtswv Tsheejntxwv los
Ceebtsheej tshiab dua nyiaj dua kub ntau
Peb mus sib ntsib mus sib ntsib rau qhov ntawv
Peb mus nrog cov tub txib uas zoo kawg nkaus
Nyob saum nroog Ceebtsheej Vajtswv li
2. Thaum peb mus txog saum nroog Ceebtsheej
Peb yuav hu nkauj zoo siab heev
Peb yuav qhuas txog Vajtswv Saub
Yuav xyivfab hu nkauj txhawb nqa
3. Kev tuag yuav tsis muaj saum Ceebtsheej
Kev quaj yuav tsis muaj ntawm lub neej
Kev nkeeg kev mob tsis muaj nyob ntawd
Sawvdaws yuav hu nkauj zoo siab
#202 - SAUM CEEBTSHEEJ
In God’s Haven I Will Be There
1. Saum Ceebtsheej yuav nyob mus ib sim
Lub nroog Ceebtsheej ntuj zoo nkauj kawg
Muaj ib hnub twg kuv mus nyob qhov ntawd
Ntshe yuav zoo kuv siab mus ib sim
Thaum muab ntiajteb laim ncua tseg
Ces kuv yuav zoo siab heev
Tshav ntuj nrig thaum kuv mus saum ntuj
Vajtswv qheb qhov rooj ntug cia tos kuv
Thaum kuv nce mus
Tseg ncua ntiajteb no tsis nco txog
2. Saum Ceebtsheej kuv tsis yuav lub hnub
Vim Vajtswv tshav ntuj ci ntsa vus
Saum Ceebtsheej ntuj kuv tsis yuav lub hli
Saum ntuj kuv lub siab nyob kaj nrig
3. Saum Ceebtsheej yuav tsis nco qab ntshai
Vajtswv nrog nraim peb nyob qhov ntawd
Tsis muaj kev ploj tsis muaj txoj kev tuag
Kuv yuav mus nqaum paj mus nqaum nruas
4. Kuv yuav haus Vajtswv tus dej ntshiab
Yuav noj tsob txiv ntoo yug txoj sia
Saum Ceebtsheej ntuj nas noog quaj ntsuagqees
Kuv nrog Vaj Cawmseej nyob ua ke
#203 - NYOB CEEBTSHEEJ ZOO DUA NTAIS
There’s A Land That Is Fairer Than Day
1. Nyob Ceebtsheej zoo dua ntais ntiajteb no
Yog peb muaj lub siab ntseeg peb yuav pom
Peb Leejtxiv Vajtswv ntuj lub chaw nyob
Nws npaj tseg rau peb nyob zoo tagnrho
Tshuav tsis ntev Tswv Yexus
Coj peb mus nyob saum ntuj thiaj tsis khwv
Tshuav tsis ntev Tswv Yexus
Coj peb mus nyob saum ntuj thiaj tsis khwv
2. Nyob saum ntuj cov uas ntseeg nyob ua ke
Tso plhuav tseg txoj kev hkwv kev txomnyem
Peb nrog Yesxus ua kev nyob ib sim
Tsis muaj ib nyuag qhov txhawj mus ibtxhis
3. Vajtswv ntuj ua koj tsaug tsis txawj tag
Koj thiaj muaj lub siab ntev lub siab dav
Koj txib Yexus ua peb tus Cawmseej
Koj pab peb tau kev zoo ib simneej
#204 - TUB NTSUAG
God Still Remember Me
1. Kuv tau tso tseg ua ntsuag rau ntiajteb no
Tau kev txomnem tsis muaj neeg hlub
Muaj Vajtswv ntuj nws thiaj li tseem hlub kuv
Muaj ib hnub kuv yuav mus saum ntuj
Kuv ua ntsuag nyob hauv lub ntiajteb no
Tibneeg tsis nco los tsuav Yesxus hlub
Kuv tos hnub mus lawm saum Ceebtsheej
Nrauj ncua lub neej txoj kev ua ntsuag
2. Lub ntiajteb no muaj txoj kev txomnyem
Lub ntiajteb no muaj kev tsaus ntuj
Uas muaj ib hnub Vajtswv yuav nqe rov los
Tos kuv mus nyob saum nroog Ceebtsheej
3. Yog kuv mus txog Vajtswv ntuj lub chaw nyob
Yuav tsis nco txog kev iab kev khwv
Kev noj tsis txob kev hnav tsis nco qab txhawj
Yuav tshav ntuj nrig mus li ib sim
#205 - YUAV SIB NTSIB
I’ll Meet You There
1. Yauv sib ntsib saum nroog Ceebtsheej
Yog lub nroog uas zoo kawg nkaus
Muaj dej haus tag tsis txawj tuag tsis txawj laus
Yog Vajtswv lub nroog Ceebtsheej
Peb mus sib ntsib rau qhov ntawd
Txog thaum ntawd Vajtswv yuav so peb kuamuag
Mus sib ntsib…..mus sib ntsib…
Peb yuav mus sib ntsib rau saum lub tebchaws ntawd
Thaum peb muab ntiajteb tso tseg
Yuav ncaim ncua txoj kev txomnyem
Txog thaum ntawv Vajtswv yuav so peb kua muag
2. Thaum peb mus saum nroog Ceebtsheej
Peb yuav hu nkauj zoo siab heev
Ua neeg tshav ntuj nrig tsis txomnyem mus li
Kev mob kev ploj yuav tsis muaj
Kev quaj kev qw yuav ncaim ncua
Txog thaum ntawd Vajtswv yuav so peb kua maug
3. Thaum ntuj kawg thiab ntiajteb kawg
Peb yuav tso lub ntiajteb tseg
Yuav mus ntsib peb kwv peb tij uas tuag lawm
Peb yuav tsis muaj kev sib ncaim
Yuav nyob ua ke mus ib sim
Txog thaum ntawv Vajtswv yuav so peb kua muag
#206 - THAUM LOS NYOB ZE
Face To Face With Christ My Saviour
1. Thaum los nyob ze Vajtswv Yexus
Ntshe kuv yuav tau zoo siab hlo
Kuv tau pom Vajtswv hwj chim loj
Nws tau tuag this kuv lub txim
Kuv yuav tau pom peb tus Vajtswv
Uas nyob puag saum lub Tsheejntxwv
Kuv yuav tau pom tseeb thiab nrog nyob
Nrog Vajtswv nyob mus ib sim
2. Nimno kuv tseem tsis tau pom nws
Muaj ib hnub yuav pom Vajtswv
Mas yuav pom Vajtswv Nws ntsej muag
Muag hwjchim ci ntsa qas iab
3. Ntawm koj lub xubntiag kuv zoo siab
Kuv yuav tsis nco kev txomnyem
Vim yog koj txoj kev ncaj ncees heev
Txhua yam kuv twb tau paub tseeb
4. Thaum peb sawv ntawm Vajtswv xubntiag
Peb yuav pom txhua yam tseeb tiag
Uas los ntawm Vajtswv lub hwjchim
Vaj Yexus hlub kuv ibtxhis
#207 - KUV YUAV HLOOV DUA TSHIAB
Come And Go With Me
1. Kuv yuav hloov dua tshiab saum Cawmseej lub tsev
Saum Cawmseej lub tsev Saum Cawmseej lub tsev
Kuv yuav hloov dua tshiab saum Cawmseej lub tsev
Qhov ntawv muaj kev xyivfab
2. Kuv yuav muaj momkub saum Cawmseej lub tsev
Saum Cawmseej lub tsev saum Cawmseej lub tsev
Kuv yuav muaj momkub saum Cawmseej lub tsev
Qhov ntawv muaj kev xyivfab
3. Ntxwgnyoog yauv tsis nyob saum Cawmseej lub tsev
Saum Cawmseej lub tsev saum Cawmseej lub tsev
Ntxwgnyoog yauv tsis nyob saum Cawmseej lub tsev
Qhov ntawv muaj kev xyivfab
4. Koj los nrog kuv mus saum Cawmseej lub tsev
Saum Cawmseej lub tsev saum Cawmseej lub tsev
Koj los nrog kuv mus saum Cawmseej lub tsev
Qhov ntawv muaj kev xyivfab
#208 - VAJTSWV LUB TEBCHAWS
Where We’ll Never Grow Old
1. Vajtswv ntuj lub tebchaws
Qhov peb ntshaw xav mus nyob
Nimno kuv qhov muag tseem tsis tau pom
Yexus tau hais tseg tias
Nws ua ntej mus tu tseg
Yog peb ntseeg nws yuav rov los tos peb
Mus nyob saum ntuj tsis ploj tsis tuag
Nyob saum ntuj tsis muaj ntsoj tsis muaj ntsuag
Thaum nyob saum ntuj tsis yug tsis laus
Nyob saum ntuj mas hluas ntxhiav ibtxhis
2. Saum Ceebtsheej zoo kawg nkaus
Peb tsis tau mus nimno
Muaj ib hnub mas peb yuav tau mus txog
Mas thaum ntawv zoo siab heev
Txhua txhia leej yuav hu nkauj
Qhov chawv ntawd mas peb yuav tsis txawj laus
3. Saum Vajtswv lub tebchaws
Peb sawvdaws yuav sib ntsib
Yuav tsis muaj kev mob kev nkeeg mus li
Txog thaum ntawv kev ploj tuag
Kev ntsoj ntsuag muab nrauj ncua
Tseg ncua ntiajteb txoj kev los kua muag
#209 - RAWS KUV LOS
Follow Me
Vajtswv tau hu tias kom raws nws
Nws hais tias ntiajteb raws kuv los
Neeg ntiajteb nyob rau qhov txhia qhov chaw
Raws kuv los raws kuv los
Muab kev hlub qhia kom mus thoob ntuj
Kom ntiajteb paub Vajtswv tshav ntuj
Vajtswv tias kuv txoj kev yog kev tseeb
Raws kuv los raws kuv los raws kuv los
#210 - THAUM VAJTSWV LOS HU
When The Roll Is Called Up Yonder
1. Thaum Vajtswv los tshuab raj hu
Ces ntiajteb simneej yuav kawg mus
Cov uas ntseeg Vajtswv yuav tau nce mus saum ntuj
Thiab yuav tau txoj sia ntev nyob
Hauv Vajtswv ntuj lub tebchaws
Thaum Yexus txheeb npe
Kuv npe yuav nyob hauv ntawv
Thaum txheeb npe, saum lub Ceebtsheej ntuj
Thaum txheeb npe, saum lub Ceebtsheej ntuj
Thaum txheeb npe, saum lub Ceebtsheej ntuj
Thaum Yexus txheeb npe
Kuv npe yuav nyob hauv ntawv
2. Txog thaum ntawv cov ntseeg Yexus
Uas xub tuag lawd yuav sawv nce mus
Thiaj li nce mus ntsib Vajtswv saum ib nta ntuj
Yog leej twg ua zoo ua ntej
Vajtswv yuav pub nws muaj siab tus
Thaum Vajtswv txheeb npe
Kuv npe yuav nyob hauv ntawv
3. Txog thaum tibneeg muab Vajtswv
Txoj lus xa mus puv ntiajteb no
Mas thaum ntawv Vajtswv Yexus yuav nqes rov los
Thiaj los txheeb cov ntseeg Yexus
Huv si los nyob ntawm nws xubntiag
Thaum Vajtswv txheeb npe
Kuv npe yuav nyob hauv ntawv
#211 - VAJTSWV TXHAWJ KOJ
God Cares For You
1. Koj lov ? lub siab nyob tsaus ntuj nti
Thov koj txhob chim los mloog kuv txoj lus zoo
Koj yuav muaj vam mus cuag txoj kev tau zoo
Lub siab xyivfab hlo mus ib simneej
2. Txoj kev nyob hauv lub ntiajteb no
Yog kev sib nco thiab yog txoj kev tu siab
Yuav ntsib kev ploj kev tuag kev quaj kev nyiav
Yus lub neej yuav tsaus ntuj nti ib sim
3. Vajtswv nws thiaj yog txoj kev tseeb
Yog leej twg ntseeg lub neej yuav tshav ntuj nrig
Lees koj lub txim Vajtswv yuav pab koj dim
Vim nws muaj lub siab hlub thiab khuv leej
#212 - MUAJ LUB NROOV XYIVFAB
There Is A Happy Land
1. Muaj lub nroog uas zoo nkauj tseem nyob deb kawg
Cov neeg nyob hauv dawb huv ci yam lub hnub
Lawv hu nkauj zoo mloog heev
Hu nrov nchantw puag Ceebtsheej
Vaj Cawmseej ua tus kav mus li ib sim
2. Cia li los hauv lub nroog los ua k emus
Yuav ua siab hnyav dab tsi tsis txhob tos ntev
Peb yuav muaj kev zoo siab
Thiab yuav tau txais txoj sia tshiab
Nrog nws nyob tsis txomnyem ntsib kev tshav ntuj
3. Lub nroog ntawv ci ntsa iab pom thoob txhia tus
Vajtswv Saub muaj kev hlub tsomkav tsomkwm
Thaum ntuj Ceebtsheej tau los
Cov ntseeg yuav muaj lub tsev nyob
Ci ntsa qas iab mus li kav ib sim mus
#213 - IB HNUB TSIS NTEV TXOJ SIA YUAV TU
Some Day The Silver Cord Will Break
1. Muaj ib hnub kuv txoj sia yaj ntshis
Yuav tsis hu nkauj yam niaj hnubno
Thaum sawv rov los kuv siab xyivfab
Vim kuv muaj lub tsev nyob saum ntuj
Yuav pom Vajtswv nws nrog kuv nyob
Kuv hu tias dim vim Vajtswv hlub
Yuav pom Vajtswv nws nrog kuv nyob
Nws pab peb cov sawsdaws tau dim
2. Muaj ib hnub ntiajteb yuav puastsuaj
Yuav ntev los luv kuv kuj tsis paub
Txij tej kub paub thiab ntseeg tau tseeb
Kuv muaj zoo tsev nyob saum Ceebtsheej
3. Muaj hnub Yexus yuav hu kuv mus
Yuav hloov kuv cev dua tshiab huvsi
Yog kuv ua nws li nu zoo mus
Kuv yuav tsis txaj muag rau Yexus
#214 - KUV NYOB NTIAJTEB TSIS NTEV
I’m But A Stranger Here
1. Kuv nyob qab ntuj tsis ntev saum ntuj kuv tsev
Ntiajteb tsis yog kuv tsev saum ntuj kev tsev
Ntxhov siab thiab muaj kev phem
Nyob ib puag ncig ntawm kuv
Saum ntuj Leejtxiv Saub tsev saud yog kuv tsev
2. Txawm txoj sia yuav ncaim mus saum ntuj kuv tsev
Ntiajteb muaj nyob tsis ntev saum ntuj kuv tsev
Sim no txomnyem khwv heev
Ua neej nyob tsaus ntuj nti
Muaj hnub kuv yuav nce mus saum ntuj kuv tsev
3. Kuv nrog Tswv Yexus nyob saum ntuj kuv tsev
Kuv yuav zoo siab xyivfab saum ntuj kuv tsev
Qhov ntawd yuav zoo siab heev
Neeg sib hlub tau sib ntsib
Kuv xav mus sai sai no saum ntuj kuv tsev
#215 - KOM NYOB TOS VAJTSWV
Watch, Ye Saints
1. Kom nyob tos thiab tsa muag saib mus
Ntsia rooj ntug samsim ua zog koog
Ntuas kom nej los taws nej luv teeb
Kavtsij los nyob tos Vaj Yesxus
Vaj Yexus yuav nqes rov los
Thoob ntiajteb yuav pom Vaj Cawmseej
Hwjchim loj nws kav kev muaj yeej
Vaj Yexus yuav nqes rov los
2. Vaj Yexus yuav los hauv ntiajteb
Raws lus cog uas tau hais cia tseg
Nws yuav los pub peb muaj siav tshiab
Thoob ntiajteb pom hwjchim ntsa iab
3. Vaj Yexus tau thov Leejtxiv Saub
Kom zam txim rau peb cov ua txhaum
Kwvtij Hmoob nej txhob ua siab hnyav
Tsawgtsuag los lub sijhawm yuav tag
#216 - THAUM KUV RAUG KEV TXOMNYEM
When I Feel Lonely Jesus Is With Me
1. Thaum kuv raug txoj kev txomnyem
Vajtswv nws hajtseem hlub kuv
Vaj Yexus tuav kuv hla dhau
Kom kuv tau txais txoj kev xyivfab
2. Thaum kuv mus txoj kev tsaus ntuj
Thov Vajtswv koj nrog kuv mus
Nrog koj mus thiaj tsis yuam kev
Kuv thov nyob ze ntawm koj mus li
3. Nyob ntiajteb tsis mauj neeg hlub
Yus txomnyem leej twg yuav pab
Leejtwg thiaj pab tau kuv dhau
Yog Yexus ib leeg thiaj pab tau
4. Thaum kuv ncaim ntiajteb no mus
Vaj Yexus tseem nco ntsoov kuv
Kuv yuav tsis ntshai txoj kev tuag
Vim yog Vajtswv nws tseem saib xyuas
#217 - NROOG CEEBTSHEEJ YUAV NYOB MUS
In The Land Of Fadeless Day
1. Nroog Ceebtsheej yuav nyob mus li
Saum Ceebtsheej zoo nkauj kawg
Yog lub chaw ua nyob ibtxhis
Thiab tsis muaj kev tsaus ntuj
Saub yuav so kua muag
Kev mob thiab kev tuag tsis muaj
Yuav tsis tsum mus nrhiav kws tshuaj
Vim Vajtswv nrog peb nyob
2. Qhovrooj qheb nyob ib txhis mus
Tsis muaj txoj kev tsaus ntuj
Vajtswv hu caw kom kuv mus
Nws yuav pub txoj sia ntev
3. Nroog Ceebtsheej tsis yuav lub hnub
Saum Ceebtsheej tsis yuav lub hli
Vajtswv hwjchim ua tshav ci
Saum Ceebtsheej tshav ntuj nrig
4. Saum Ceebtsheej tsis muaj ntsoj ntsuag
Nroog Ceebtsheej tsis muaj kev tuag
Muaj ib hnub kuv yuav mus nyob
Ntiajteb no tsis nco txog
#218 - KUV TWB HNOV YEXUS HU
Where He Leads Me
1. Kuv twb hnov Tswv Yesxus hu kuv
Yog Nws hlub kuv Nws thiaj hu
Tus Tswv Yexus hais rau kuv tias
Kwv koj khaublig ntoo thiab nrog kuv mus
Kuv kwv khaublig ntoo nrog Koj mus
Kuv kwv khaublig ntoo nrog Koj mus
Kuv kwv khaublig ntoo nrog Koj mus
Yuav nrog Koj mus txhua nrho txhia txoj kev
2. Thaum ntsib kev tsaus ntuj tsis tau luag
Kev nyuaj siab ua kuv los kuag muag
Thov koj pab kom kuv siab xav txhua
Yuav nrog koj mus txhua nrho txhia txoj kev
3. Raug luag ntxub lub siab tsis muaj zog
Vajtswv ntuj Nws lub qhovmuag pom
Thov Koj ua txoj kev tshav ntuj los
Yuav nrog Koj mus txhua nrho txhia txoj kev.
#219 - HNOV VAJTSWV HAIS TIAS
I Hear The Saviour Say
1. Kuv hnov Vajtswv hais tias
Yog koj muaj kev nyuaj siab
Kom thov ntawm VajTswv Saub
Thov tau txhua yam ntawm Nws
Vaj Yexus khuvleej
Nws hlub peb sawvdaws
Ntxuav kev txhaum uas peb ua cia
Kom tag ntawm peb lub siab
2. Nimno kuv ntseeg hais tias
Vajtswv muaj hwjchim loj
Kho neeg mob ruas kom zoo
Cov neeg siab dub kom dawb
3. Kuv twb tsis muaj kev zoo
Tsis tsimnyog txais koob hmoov
Thov Koj ntxuav kuv lub siab
Ntawm Vajtswv Koj cov ntshav
4. Thaum sawv ntawm Nws xubntiag
Tsheejntxwv uas ci ntsa iab
Kuv yuav hu nkauj ua tsaug
Txhawb nqa txog Nws lub npe
#220 - THAUM KWVTIJ CEM
Amid The Trials
1. Thaum kwvtij cem lawv pheej ntxub ntxub kuv
Kuv raug txomnyem tsis muaj leejtwg hlub
Kuv siab tsis ntshai vim yog kuv nco ntsoov
Tswv Yexus hlub hlub kuv
Tswv Yexus hlub hlub kuv
Tswv Yexus hlub hlub kuv
Nws this kuv tuag
Nimno nrog kuv nyob
Tswv Yexus hlub hlub kuv
2. Thaum kuv muaj mob thiab ntsib txoj kev phem
Kuv raug kev ntshai vim muaj kev txomnyem
Kuv paub tias Yesxus tsis tso kuv tseg
Tswv Yexus hlub hlub kuv
#221- NTIAJTEB YUAV DHAU MUS
Take The World But Give Me Jesus
1. Nyob ntiajteb tsis muaj kev thajyeeb
Lub ntiajteb no tsis ruaj nreeg
Ntseeg Vajtswv muaj hnub thiaj tau zoo
Nws hlub peb ruaj nreeg ib sim
Txoj kev hlub thiab lo lus khuvleej
Muaj ntau dhau uas yuav piav txhua
Vim Nws pab peb dim txoj kev tuag
Coj peb mus cuag txoj siav ntev
2. Nyob ntiajteb tsis muaj kev thajyeeb
Ntiajteb no tsis zoo ua neeg
Ntseeg Vajtswv peb thiaj tau txoj siav
Nws pab peb cuag lub neej tshiab
3. Nyob ntiajteb tsis muaj kev thajyeeb
Tus khablig kuv tuav ruaj nreeg
Txog thaum uas tau pom Vajtswv Nws
Thiab tau nrog Nws nyob ua ke
#222 - NWS LUB NPE ZOO KAWG NKAUS
Take The Name Of Jesus With You
1. Leejtwg muaj kev txhawjxeeb ntxhov siab
Yuav tsum vam tus Tswv Yexus
Yexus yuav nplij kom peb zoo siab
Muab kev txomnyem daws pov tseg
Nws lub npe zoo kawg nkaus
Yog tib neeg li chaw vamkhom
Nws lub npe zoo kawg nkaus li
Txaus tibneeg sawvdaws vamkhom
2. Cia tus Tswv Yexus nrog peb mus
Thiaj tsis pub dab kov yeej yus
Thaum uas muaj kev kom peb siab ntxhov
Thov Vajtswv pab peb thaum ntawd
3. Peb twb ntseeg lub peb Tswv Yesxus
Kom peb siab xyivfab txhia tus
Nws tseem yuav pab cawm thiab yuav lees peb
Peb lub ncauj yuav ua Nws tsaug
4 Qhuas txog peb Vaj Cawmseej ib leeg
Qhuas txog Vaj Cawm seej ib leeg
Thaum ua ntiaj teb yuas tau tag mus
Cov ntseeg yuav tau mus saum ntuj
#223 - UA SIAB KOM XYIVFAB
Some Bright Morning
1. Ua siab kom xyivfab haujlwm hnyav yuav tag
Thaum txog hnub tshiab
Kev nyuaj siab yuav pauv zoo siab txhua hnub mus
Thaum txog hnub tshiab
Sawv ntxov hnub tshiab kaj nrig huvsi
Cov tshav tsom tuaj ci zoo nkauj lub ntuj ntshiab si
Tshav ntuj qas nrig nplooj siab xyivfab
Peb yuav pom Vajtswv nws nqes los tsis ntev no
2. Lub nra hnyav siab yuav tau tag mus ua ntej
Uas txog hnub tshiab
Khaublig yuav pauv ua momkub zoo nkauj tshaj
Thaum txog hnub tshiab
3. Leejtwg tus ua zoo Nws yuav pub pajntsig
Thaum txog hnub tshiab
Tus ncajncees yuav nrog Vajtswv nyob mus li
Thuam txog hnub tshiab
#224 KUV LOS NTAWM KHAUBLIG
I Am Coming To The Cross
1. Kuv tau los ntawm khaublig ntoo
Kev txomnyem thiab kev tsaus ntuj
Huvsi kuv pom tsis muaj nqes
Thaum uas yuav tau txais siav tshiab
Kuv vamkhom peb Vajtswv ntuj
Tus nyuam yaj uas tau txais txim
Kuv tau dim vim yog nws pab
Vaj Cawmseej thov pab nimno
2. Kuv xav pom peb Vaj Cawmseej
Vim Ntxwgnyoog ua mob rau kuv
Vaj Cawmseej hu kuv los tsev
Mas nws yuav daws kuv lub txim
3. Kuv pub huvsi rau Cawmseej
Kwvluag thiab kwvtij sawvdaws
Lub cev nplooj siab rau Vajtswv
Kom Vajtswv pab mus ib sim
4. Thov nqes los nyob kuv lub siab
Kom kuv zoo yam li Vajtswv
Lub cev nplooj siab kom dawb paug
Kuv thov txhawb nqa Nws ib leeg
#225 - KUV TUS VAJ CAWMSEEJ
Blessed Assurance, Jesus Is Mine!
1. Kuv tus Vaj Cawmseej Nws yog zaj tseeb
Pab kom kuv zoo siab thiab tau pom Ceebtsheej
Tomntej uas kuv vam yog tau txoj sia
Yexus ib leeg thiaj yog Tus yuav pub
No yog kuv zaj nkauj qhuas txog Yexus
Qhuas txog Yexus ntau tag hnub tag hmo
Nov yog kuv txoj kev qhuas Nws lub npe
Qhuas txog Yexus ntau tag hnub tag hmo
2. Kuv muaj kev txaus siab uas tau ntseeg Nws
Kuv tau kev xyivfab thaum nyob ze tus Tswv
Kuv pom cov tubtxib nqes los qhia kuv
Tias Vajtswv ntuj pab vim yog Nws hlub
3. Thaum kuv ntseeg Yexus kuv lub siab kaj
Yexus Nws pub kuv muaj txoj kev xyivfab
Thaum kuv tsis ua txhaum kuv tsis tsum ntshai
Kuv yuav tos saib Vajtswv saum Ceebtsheej
#226 - VAJ YESXUS COJ MUS
Anywhere With Jesus
1. Vaj Yesxus coj mus txoj kev twg tsis muaj ntshai
Muaj txoj kev xyivfab xwb thaum kuv mloog Nws hais
Yog tsis muaj Yexus nrog kuv mus kuv tsis xyivfab
Kuv tsis muaj kev ntshai yog Yexus nrog kuv mus
Mus qhov twg txoj kev twg los kuv yuav tsis ntshai
Tswv Yexus nws nrog kuv mus kuv tsis ntshai li
2. Vaj Yesxus coj kuv mus tsis muaj kev txhawjxeeb
Phoojywg kwvluag tso kuv tseg Vajtswv khuvleej
Txawm yog qee zaum kuv mus ntsib txoj kev sim siab
Vaj Yexus nrog kuv mus kuv tsis raug dab ntxias
3. Txawm yog ntsib kev txomnyem kev tuag nyob ntiajteb
Kuv zoo siab yeem tuag ntawm Vaj Yesxus lub npe
Tshuav tsis ntev Vaj Yesxus yuav nqes rov qab los
Yuav los tsa kuv sawv thiab coj kuv mus saum ntuj
#227 - KUV VAM TXHUA HNUB NYOOG
I Need Thee Every Hour
1. Kuv vam koj txhua sijhawm Vajtswv zoo kawg
Yog tus uas muaj hwjchim pub kev xyivfab
Kuv vam Vajtswv kuv vam koj
Kuv vam koj txhua sijhawm
Vajtswv thov koj foom koob hmoov
Rau peb cov ntseeg
2. Kuv vam koj txhua txhia hnub kuv thov nyob ze
Txawm tias ntsib kev txomnyem thov Koj nyob ze
3. Kuv yam koj txhua txhia hnub thov nyob ze koj
Kev phem thiaj raws tsis cuag thov ua kwvluag
4. Kuv vam Koj txhua sijhawm thov Koj qhia kuv
Ua raws Koj txoj kev hlub thov Koj hlub kuv
#228 - KUV TSIS MUAJ VAM
My Hope Is Built On Nothing Less
1. Kuv tsis muaj kev vam qhov twg li
Tsuas yog cov ntshav thiab txoj kev zoo
Mtawm tus uas pub yog Vaj Yexus
Kuv thov vamkhom Vaj Yexus xwb
Vaj Yexus zoo li lub pob zeb
Ruaj nreeg peb vamkhom Nws lub npe
Vaj Yexus Nws yam lub pobzeb
2. Thaum uas muaj huab npog tsaus ntuj nti
Kuv thov nraim ntawm Nws lub Hwjchim
Thaum uas muaj cuadaj tau ntsawj tuaj
Kuv thov muab Vajtswv ua chaw khov
3. Yam tus dej hlob nyab hauv kuv siab
Koj tej lus qhia kuv nco ntsoov cia
Thiab Koj cov ntshav tau pab kuv dim
Thov Koj pab cuam kuv phab Ntsujplig
#229 - KUV NTSEEG THIAJ NTSIA MUS
My Faith Looks Up To Thee
1. Kuv ntseeg thiaj ntsia mus saud
Tus nyuam yaj uas tau raug
Ntsia saum khaublig
Tso kom kuv tau kev dim
Thov koj ntxuav kuv lub txim
Kom dawb qas paug li Vajtswv koj siab xav
2. Vajtswv koj hlub kuv ntau
Ntxuav kom kuv siab dawb paug
Kuv ua koj tsaug
Vajtswv tau tuag this kuv
Nws pub txoj sia rau kuv
Raws li lo lus uas Nws tau hais cia tseg
3. Thaum nyob hauv ntiajteb no
Kev txomnyem ntau tagnrho
Muaj kev tu siab
Vajtswv Nws nplij kuv siab
Kev ntxhov siab tau tag mus
Thov Vajtswv koj hlub kuv mus li ib sim
#230 - KUV TAU HNOV VAJTSWV HU
I Hear Thy Welcome Voice
1. Kuv tau hnov Vajtswv suab
Nws hu kom kuv los nrhiav
Nws yuav ntxuav kuv kev txhaum kom tag
Ntawm Vajtswv Nws cov ntshav
Peb tus Vajtswv Saub
Thov Koj khuvleej kuv
Thov ntxuav kuv kev txhaum kom tag
Ntawm Yexus Nws cov ntshav
2. Vaj Ntsujplig tau pab cuam
Kom kuv tau dhau kev tuag
Nws pub txoj kev xyivfab rau kuv
Nws hlub kuv ib sim mus
3. Kuv tau hnov Vajtswv hu
Hais tias kom kuv los nrhiav
Nws yauv pub kev zoo siab rau kuv
Sim no thiab fab lwmsim
4. Vajtswv cov ntshav tsimtxiaj
Ntws los ntxuav kuv lub siab
Kuv muaj txojsia vim Vajtswv hlub
Kuv zoo siab nrog Nws mus
#231 - KUV PHEM NPAUM TWG
Just As I Am
1. Kuv phem npaum twg tseem hais tau tias
Vajtswv cov ntshav tau tso kuv dim
Vajtswv tau hu kom kuv los nrhiav
Peb Vaj Yexus kuv los kuv los
2. Txawm tias kuv muaj txim txhaum li cas
Kuv tsis muaj peevxwm yuav ntxuav tau
Muab rau Vajtswv ua tus pab ntxuav
Peb Vaj Yexus kuv los kuv los
3. Thaum muaj kev ntxias siab los rau kuv
Ua kom kuv tsis muaj siab xav ntseeg
Kuv yeem los nrhiav Vajtswv Koj pab
Peb Vaj Yexus kuv los kuv los
4. Vajtswv Nws yuav ntxuav kuv kev txhaum
Kom dawb yam li cov dejlwg dawb
Vim yog kuv ntseeg Vajtswv txoj lus
Peb Vaj Yexus kuv los kuv los
5. Nej saib Vajtswv hlub peb kawg li
Nws tau tuag vim yog teem peb txim
Yog tias peb ntseeg thaib mloog Nws lus
Nws yuav pub txoj siav tshiab rau peb
#232 - KUV XAIV TAG LAWM
I Have Decided To Follow Jesus
1. Kuv tau xaiv tag lawm yuav ntseeg Yesxus mus
Kuv tau xaiv tag lawm yuav ntseeg Yesxus mus
Kuv tau xaiv tag lawm yuav ntseeg Yesxus mus
Kuv yuav tsis thim kuv yuav tsis thim
2. Kwvtij tsis ntseeg los tseg kuv yuav ntseeg kuv mus
Kwvtij tsis ntseeg los tseg kuv yuav ntseeg kuv mus
Kwvtij tsis ntseeg los tseg kuv yuav ntseeg kuv mus
Kuv yuav tsis thim kuv yuav tsis thim
3. Yesxus ua kuv ntej tso ntiajteb pov tseg
Yesxus ua kuv ntej tso ntiajteb pov tseg
Yesxus ua kuv ntej tso ntiajteb pov tseg
Kuv yuav tsis thim kuv yuav tsis thim
4. Tso ntiajteb tomqab nrog Yesxus mus tomntej
Tso ntiajteb tomqab nrog Yesxus mus tomntej
Tso ntiajteb tomqab nrog Yesxus mus tomntej
Kuv yuav tsis thim kuv yuav tsis thim
#233 - KEV DIM MUAJ NTAWM YESXUS
Safe In The Arms Of Jesus
1. Kev dim mauj ntawm Yexus xwb
Kev dim muaj ntawm Vajtswv
Qhov ntawv thiaj muaj chaw vamkhom
Kuv thiaj ntseeg kiag nimno
Tau hnov cov Tubtxib hu nkauj
Hu nkauj txhawb nqa Vajtswv Saub
Tias Nws yog Vajtswv Cawmseej
Uas tau pab ntiajteb dim
Kev dim muaj ntawm Yexus xwb
Kev dim muaj ntawm Vajtswv
Qhov ntawd pom Vajtswv lus hlub
Kuv thiaj ntseeg kiag Nws mus
2. Kev dim muaj ntawm Yexus xwb
Kev dim muaj ntawm Vajtswv
Nws pab kom dim kev sim siab
Pab dim kev txhaum huvsi
Pab dim kev ntshai kev tu siab
Yog muaj kev sim siab kev quaj
Los yeej yuav muaj nyob tsis ntev
Kuv yuav muab laim ncua tseg
3. Kev dim muaj ntawm Yesxus xwb
Vim yog nws tuag this kuv
Kuv thov vamkhom ntawm Vajtswv
Tus ruaj nreeg yam pobzeb
Kuv ua siab tuab thiab siab tawv
Kuv tos txog lub sijhawm ntawv
Thaum pom Vajtswv Nws rov los
Kuv yuav zoo siab kawg nkaus
#234 - TSIS MUAJ YAM TWG NTXUAV TAU
Nothing But The Blood
1. Tsis muaj yam twg ntxuav kev txhaum,
Tsuas yog Tswv Yesxus nws cov ntshav
Tsis muaj yam twg ntxuav siab tau
Tsuas yog Tswv Yesxus nws cov ntshav
Vajtswv nws cov ntshav thiaj
Ntxuav kuv siab kom dawb huv
Kuv paub tsis muaj lwm yam Tsuas yog
Tswv Yesxus nws cov ntshav
2. Kuv paub yam ntxuav tau kev txhaum
Yam ntawd yog Yesxus nws cov ntshav
Kuv thov nws ntxuav kuv kev txhaum
Ntawm tus Tswv Yesxus nws cov ntshav
3. Tsis muaj yam twg pab kuv tau
Tsuas yog Tswv Yesxus nws cov ntsha
Muaj kev vam hauv kuv lub siab
Ntawm tus Tswv Yesxus nws cov ntshav.
4. Kuv tsis muaj dab tsi ntxuav tau
Tsuas yog Tswv Yesxus nws cov ntshav
Kuv lub siab xyivfab kawg nkaus
Ntawm tus Tswv Yesxus nws cov ntshav
5. Kuv hu nkauj qhuas Tawv Yesxus
Tus uas pub nws cov ntsav tsim txiaj
Kuv nco ntsoov rau hau kuv siab
Tswv Yesxus cov ntsav muaj hwjchim
#235 - MUAJ DEJ NTAWM COV NTSHAV
There Is A Fountain
1. Muaj dej txhawv los ntawm nws cov ntshav
Los ntawm tus khaub lig ntoo
Neeg txhaum sawvdaws siv ntxuav nplooj siab
Txoj kev txhaum thiaj tag mus
Txoj kev txhaum thiaj tag mus
Txoj kev txhaum thiaj tag mus
Neeg txhaum sawvdaws siv ntxuav nplooj siab
Txoj kev txhaum thiaj tag mus
2. Tub sab phem ntawd tau pom cov ntshav
Thov kom Vajtswv pab ntxuav
Txawm tias kuv phem heev dua tub sab
Vajtswv nws yeem pab ntxuav
Vajtswv nws yeem pab ntxuav
Vajtswv nws yeem pab ntxuav
Txawm tias kuv phem heev dua tub sab
Vajtswv nws yeem pab ntxuav
3. Vajtswv cov ntshav uas tsim txiaj ntawd
Muaj hwj chim ntxuav kev txhaum
Leej twg tu siab vim tau ua txhaum
Vajtswv ntxuav kom tag mus
Vajtswv ntxuav kom tag mus
Vajtswv ntxuav kom tag mus
Leej twg tu siab vim tau ua txhaum
Vajtswv ntxuav kom tag mus
4. Txij ncua kuv ntseeg tau pom cov ntshav
Uas ntws los ntawm khaub lig
Kuv thiaj hu nkauj txhawb nqa Vajtswv
Vim kuv tau dhau kev txhaum
Vim kuv tau dhau kev txhaum
Vim kuv tau dhau kev txhaum
Kuv thiaj hu nkauj txhawb nqa Vajtswv
Vim kuv tau dhau kev txhaum
#236 - VAJTSWV UA KEV HLUB
Gods Love Revealed In The Lord Jesus
1. Vajtswv ua kev hlub pom tseeb ntawm Vaj Yesxus,
Nws tau nqe los nyob hauv ntiajteb pab tibneeg.
2. Vaj Tswv txoj kev hlub piv yam tus dej uas ntshiab,
Los ntxuav hauv nplooj siab kom tib neeg dhau kev phem .
3. Yesxus Saub leej tub Saub tau tso nws nqes los,
Pab neeg ntiajteb no yeem tuag saum khaub lig ntoo
4. Kev hlub ntawd loj kawg piv yam lub pas dej uas txhawv
Yaug ntxuav sab ntsuj plig kom dim plaws yus lub txim
#237 – VAJ YESXUS HLUB KUV
Jesus Loves Me
1. Vaj Yesxus hlub kuv kuv paub
Vajtswv qhia cia hauv phau ntawv
Kuv tau paub tias kuv muaj txim
Vaj cawm seej muaj hwj chim daws
Vaj yesxus hlub kuv
Vaj Yesxus hlub koj
Ntawv Fajlem qhia cia
peb thiaj paub ua li ntawd
2. Vaj Yesxus muaj siab hlub kuv
Nws thiab tau qheb rooj nroog ntug
Vaj Yesxus daws txhaum txim tau
Thiaj muaj hwj chim nce mus saud
3. Yesxus hlub kuv tag nrho li
Nws nrog nraim kuv nyob ib sim
Txhua txhia hnub nyoog tuav kuv tes
Nws yuav tsis muab kuv tso tseg
4. Vaj Yesxus nws nrog kuv nyob
Tag hnub thiab mus rau tag hmo
Yog kuv tuag Vajtswv tseem hlub
Nws yuav coj kuv mus saum ntuj
#238 - UA TSAUG LEEJ TXIV SAUB
Thank You Lord
1. Ua koj tsaug leej txiv Saub uas tau tsim lub suab
Rau peb cov hu nkauj txhawb nqa
Hu ua nkauj lom zem kom siab xyivfab
Ua tsaug txhawb nqa peb leej txiv
Thov pab kom kuv lub suab no tsuas yog siv hu
Nkauj txhawb nqa thiab qhuas Vajtswv
Yam uas yog kev phem tsis txhob tawm los
Ntawm lub suab nkauj uas kuv hu
2. Thov Vajtswv koj tau pab kom kuv lub suab zoo
Hais tej lus uas zoo mus li
Thiab tsis txhob tso tseg hais txog kev hlub
Ntawm lub suab nkauj uas kuv hu
3. Thov pub kuv lub suab nkauj hu nkauj mus tag hnub
Ntawm siab tseeb uas kuv txhawb nqa
Thov kom peb Vajtswv tau tig los mloog
Txais yuav kuv lub suab txhawb nqa
#239 - KUV POM PAJ YEEB
Beautiful Flowers
1. Kuv pom paj yeeb ntshav
kuv lub siab nco nco Vajtswv
Paj yeeb tawg ntsa li iab
Kuv hais tias Vajtswv ntuj
Yuav thaum twg koj li rov los
2. Kuv tawm rooj li plaws,
kuv pom paj yeeb paj ntoos tawg
Kuv lub siab xav hais tias,
Xyov thaum twg kuv li ntsib
Kuv Vajtswv puag saud ntuj
3. Kuv pom me kab npauj npaim,
Ya mus tsaws rau ub rau no
Ua tshav ntuj qas li nrig,
Zoo nkauj cuag li Vajtswv
Nws lub ceeb tsheej ntuj zoo
4. Tshav ntuj ntsa tib li iab
Kuv lub siab nco txog Vajtswv
Nco Vajtswv li txiaj ntsig
Uas tau tsim lub ntiajteb
Rau peb cov tib neeg nyob
#240 - HU NKAUJ KOM ZOO SIAB
I Love To Sing
Hu nkauj kom zoo siab ntxhov siab yuav xyivfab
Yog nej tau hu nkauj txhawb nqa kev
Ntxhov siab yuav tsis muaj
Thov luag kom zoo siab ntxhov siab yuav xyivfab
Yog tias nej luag ib thxis li
Kev ntxhov siab yuav tsis muaj
Thov Vajtswv ntxiv mus
Thov Vajtswv mus li
Kev mob yuav tag mus
Tsis txhob txhawj hlo li
Hu nkauj luag ua tsaug
Ntawd yog txoj kev zoo
Hu nkauj luag thiab ua tsaug ces
Kev ntxhov siab yuav tsis muaj
#241 - KUV LUB SIAB MUAJ KEV XYIVFAB
Summertime In My Heart
1. Kuv lub siab xyivfab zoo siab heev
Kuv lub siab xyivfab kuv xav luag
Vajtswv teem kuv chaw txoj siav nws pub kuv
Txawm tias tau kev txom nyem
Kuv lub siab tseem xyivfab
2. Kuv lub siab xyivfab zoo siab heev
Kuv lub siab xyivfab kuv xav luag
Vajtswv tseem kuv chaw txoj sia nws pub kuv
Txawm tias tau kev txom nyem
Kuv lub siab tseem xyivfab
3. Kuv lub siab xyivfab zoo siab heev
Kuv lub siab xyivfab kuv xav luag
Vajtswv teem kuv chaw txoj sia nws lub kuv
Txawm tias tau kev txom nyem
Kuv lub siab tseem xyivfab
#242 - KUV NYIAM HU NKAUJ
I Have A Song I Love To Sing
1. Kuv nyiam hu nkauj tag kuv lub siab
Vim nws tuag this kuv lawm
Qhuas txog Vajtswv tus uas hlub peb
Vim nws tuag this kuv lawm.
Vim nws tuag this kuv lawm
Vim nws tuag this kuv lawm
Kuv hu nkauj qhuas nws lub npe
Vim nws tuag this kuv lawm
Kuv thiaj hu nkauj qhuas txog nws lub npe
2. Kuv muaj Vajtswv ua kuv siab zoo
Vim nws tuag this kuv lawm
Kuv zoo siab ua raws li nws hais
Vim nws tuag this kuv lawm
3. Nws yog kuv tus tim khawv uas zoo
Vim nws tuag this kuv lawm
Nim no kuv thiaj tsis txhawj tsis ntshai
Vim nws tuag this kuv lawm
4. Kuv muaj vajtse yog nws ua cia
Vim nws tuag this kuv lawm
Kuv yuav tau nyob mus li ib sim
Vim nws tuag this kuv lawm
#243 NTAWM XAIS-OOS
Come, we that love the Lord
1. Peb cov uas ntseeg vaj tswv
Kom peb zoo siab xyivfab
Peb los kom siab hu nkauj ua ke
Peb los kom siab hu nkauj ua ke
Ntawm peb Vajtswv lub npe
Kom peb hu suab nrov ncha
Ntawm Xais-oos peb taug mus
Ntawm lub nroog loj thiab zoo nkauj heev
Peb los koom ua ib pab nce mus
Saum peb Leejtxiv Saub nws lub tsev
2 Peb yam cov tub ntxhais ntawm
Vajtswv Nws lub xubntiag
Peb koom ua ke hu nkauj kom nrov
Peb koom ua ke hu nkauj kom nrov
Leej twg hnov kuj xyivfab
Leej twg hnov kuj xyivfab
3 Muaj yam tsimtxiaj ntau heev
Nyob saum lub nrog Xai-oos
Thaum txog lub Tsheejntxawv xaus kub pua
Thaum txog lub Tsheejntxawv xaus kub pua
Peb hu nkauj qhuas Vajtswv
Peb hu nkauj qhuas Vajtswv
#244 -VAJTSWV YOG KEV HLUB
God Is The Way Of Love
1. Vim Vajtswv yog kev hlub Vajtswv yog kev hlub
Ntiajteb los nrog hu nkauj txhawb nqa nws
Vim Vajtswv yog kev hlub Vajtswv yog kev hlub
Ntiajteb los nrog hu nkauj txawb nqa nws
Hwj chim loj ces muaj ntawm Vajtswv nws ib leeg xwb
Hwj chim loj ces muaj ntawm Vajtswv nws ib leeg xwb
Saum ceeb tsheej muaj txoj kev xyivfab
Mus li ib sim tsis kawg
2. Vim Vajtswv yog txoj kev Vajtswv yog txoj kev
Yuav coj peb qhia peb mus txog saum ntuj
Vim Vajtswv yog txoj kev Vajtswv yog txoj kev
Yuav coj peb qhia peb mus txog saum ntuj
3. Vim Vajtswv yog txoj siav Vajtswv yog txoj siav
Ntiajteb los txais txoj siav ntawm Vajtswv
Vim Vajtswv yog txoj siav Vajtswv yog txoj siav
Ntiajteb los txais txoj siav ntawm Vajtswv
#245-VAJ CAWM SEEJ UA TUS COJ
My Lord Knows The Way
Vaj Yesxus coj kuv mus dhau kev txom nyem
Yam uas kuv xub ua yog ntseeg nws.
Vaj Yesxus coj kuv mus dhau kev txom nyem
Yam uas kuv xub ua yog ntseeg nws.
Nws muaj hwj chim coj kuv hnub no
Thiab yuav coj kuv mus ib sid li
Vaj Yesxus coj kuv mus dhau kev txom nyem
Yam uas kuv xub ua yog ntseeg nws.
#246-THAWJ ZAJ NKAUJ
The First Song I sing
Cia zaj nkauj uas hnub no kuv hu txhawv nqa Vajtswv
Lub suab nkauj hu txhawv nqa txhua lub sij hawm
Lub suab luag thiab lub siab thov muab pub rau Vajtswv
Kom phooj ywg los nrog peb txhawb nqa Vajtswv
Hu txhawb nqa Vajtswv Hu txhawb nqa Vajtswv
Hu txhawb nqa Vajtswv Hu txhawb nqa Vajtswv
(Hu txhawb nqa Vajtswv)
#247-QHUAS VAJTSWV
Lift Him Up
1. Qhuas Vajtswv yog tus ua tau pab
Cov neeg mob kom muaj txoj sia
Pab tus neeg phem thiab tus tshaib nqhis
Vajtswv yuav pub txoj kev dim
Nws yog Vajtswv uas nyob saum ntuj
Tus tau hlub neeg ntiajteb heev
Nws nqes los ua neeg tus cawm seej
Kho tus dig muag tau pom kev
Qhuas Vajtswv tus uas pub kev hlub
Vajtswv ntuj tus uas loj kawg
Qhuas Vajtswv tus uas muaj hwj chim
Pab peb dim ntawm txoj kev txhaum
2. Qhuas Vajtswv tus uas zoo kawg nkaus
Neeg ntiajteb qhuas nws lub npe
Tus ua nrhiav nws yuav tau ntsib nws
Kom peb los ua nws pej xeem
Nws lub siab hlub tib neeg sawvdaws
Thiaj li caw kom peb los nrhiav
Kom muab siab kwv tus khaub lig ntoo
Mus txog hnub txais kev tau zoo
#248-XYIVFAB RAU HNUB SAB LAJ
The Gladness Day
1. Xyivfab heev hnub saib laj no
Lom zem heev hnub no yog hnub zoo siab
Thov foom koob hmoov rau peb cov ntseeg sawvdaws
Yam li tus dej ntshiab uas txhawv ntua hauv
peb cov ntseeg lub siab
Kom peb phab ntsuj plig thiaj li tau xyivfab puv npo
2. Thov koj qhia peb cov saib laj
Qhia peb cov ntseeg mloog raws txoj kev ncaj
Kom peb lub siab tsis txhob xav rau lwm yam
Kom sau siab los mloog Vajtswv txoj lus
Koj yuav foom hmoov zoo
Rau peb phab ntsuj plig sim neej
Kom kov Yeej kev tuag
3. Thov Vajtswv koj foom kev hlub
Los rau peb cov uas saib laj hnub no
Peb sawvdaws thov txhawb nqa Vajtswv koj
muaj txoj kev tsis zoo nyob hauv peb siab
Thov koj muab npog cia
Qhia peb ua raws koj siab nyiam
Thiab pab peb lub neej
#249-PEB THOOB NTUJ
We All Stand Before The Cross
1. Peb thoob ntuj nyob qab khaublig niam no kuj ib yam
Cev thiab siab ua raws kev ncaj kev ntawd yog Yesxus
Nej saib Vajtswv lub teb chaws nws tsim tseg rau peb
Tswv Yesxus nws coj peb kev muaj hnub yuav mus txog
2. txawm yog nyob rau sab ntuj twg los ntawm peb tus tswv
Puav leej yog kwv tij kwv luag mus txog thaum ntuj kawg
Los qhia neeg ntiajteb sawvdaws paub ua kwv ua tij
Vaj Yesxus yuav pab peb dim mus cuag txoj siav ntev
3. Neeg nrhiav kev mus saum ntuj kag tiamsis yuav tsis pom
Los nrhiav Yesxus ua tus coj thiaj li yuav mus txog
Cov neeg txom nyem thiab poob siab yuav tau lub neej tshiab
Vaj Yesxus nws yuav coj qhia kom mus cuag siav ntev
4. Vaj Yesxus nws yog kev tseeb coj mus txog ceeb tsheej
Yog peb ntseeg yuav tau lub neej nyob mus li ib sim
Yuav tau nyob saum lub ntuj tshiab uas Vajtswv tsim cia
Nws kev hlub thiab hwjchim loj pab peb txog chaw so
#250-HNUB NO YOG HNUB UAS XYIVFAB
When We Believe In Jesus
1. Hnub no yog hnub uas xyivfab
Kom nej muaj kev ntxhov siab tso plhuav tseg
Koom siab tig ntsws los txhawb nqa Vajtswv ntuj
Peb thiaj li muaj lub siab tus
Pub koob meej rau Tswv Yesxus.
2. Lom zem thaum tau hu nkauj
Cas yuav nrov kab zaug yam nkauj saum ntuj
Hu tawm hauv siab suab sib yoog los ua ke
Txhawb nqa txog peb tus Vajtswv
Hnub no kom peb ua nws tsaug
3. Kuv ua koj tsaug Yesxus
Uas Koj tau hlub peb tibneeg kawg li.
Muab koj txoj sia Los tuag this tso peb dim.
Thiaj tau dhau ntawm peb lub txim
Nim no kuv thov ua koj tsaug
4. Kuv tus Vajtswv saum ntuj
Tus uas nyob puag saum lub nroog ceeb tseej.
Thov koj pab tso Vaj ntsujplig nws nqes los.
Nrog kuv nyob nplij kuv lub siab
Ua kuv luag mus li ib sim