Nkauj Raws Lej #
#51-YESXUS YOG TXOJ KEV TSEEB
Thai Song: Pra Yesu Phu Pen Hon Thang
1. Tus Tswv Yesxus nws yog txoj kev
Pab kom peb dhau kev phem
Mus cuag tau txoj siav ntev
Saum Vajtswv ntuj nws lub tsev
Peb yuav nyob ua ke tsis muaj txoj kev txomnyem
2. Tus Tswv Yesxus yog txoj kev tseeb
Yog leej twg tau los ntseeg
Lub neej yuav tshav ntuj nrig
Ntiajteb no txoj kev tsaus ntuj
Yuav raws tsis cuag yug yog los ntseeg Tswv Yesxus
3. Vajtswv Yesxus nws yog txoj siav
Yog leejtwg tig lub siab
Nws yuav tau txoj siav tshiab
Vajtswv hlub thiab khuvleej peb
Thiaj nqes los ntijteb nws los tuag tso pen dim
4. Saum Vajtswv ntuj lub moos Ceebtsheej
Muaj tshav ntuj ci ntsa iab
Tsis muaj txoj kev ntxhov siab
Los Kom nej los nrog peb mus
Taug kev mus saum ntuj muaj hnub peb yuav mus txog
#52 - THOV YESXUS NTXUAV KOJ SIAB ?
1. Koj thov Yesxus ntxuav koj siab lawm los tsis tau
Nws twb muab nws ntshav ntxuav koj lawm los
Nim no koj vam khom koj tus Tswv Yesxus los
Nws twb muab nws ntshav ntxuav los tsis tau
Nej puas tau muab Vajtswv
Saub leej tub nws cov ntshav coj los ntxuav
Nej lub siab puas yuav dawb paug li cov paj huab
Nej puas tau ntxuav hauv Yesxus cov ntshav
2. Koj niaj hnub nrog nraim Tswv Yesxus mus lawm los
Koj twb hloov dua siab tshiab los tsis tau
Nim no Ntsujplig nrog koj nyob txhua hnub lawm los
Nim no koj hloov dua siab tshiab lawm los
#53 - VAJTSWV TUS PAB TXOJ SIA
Pass Me Not ,O Gentle Saviour
1. Kuv thov Vajtswv tus pab txoj siav
Thov koj nco ntsoov kuv
Koj tau pab lwm tug lawm ntau zaug
Thov nco ntsoov txog kuv
Peb Vaj cawm seej, Thov mloog lo lus thov
Koj tau pab lwm tug lawm ntau zaug
Thov koj nco ntsoov kuv
2. Thov Vajtswv koj tau pab hlub kuv
Pab kho kuv lub siab
Hauv kuv siab muaj txoj kev txhaum ntau
Thov koj nco ntsoov kuv
3. Kuv vam khom ntawm koj lub hwj chim
Thiaj thov nraim ntawm koj
Koj pab nplij kuv rau txoj kev hlub
Thov koj nco ntsoov kuv
4. Vajtswv yog kuv txoj kev xyivfab
Nws zoo dua txhua yam
Saum qaum ntuj thiab hauv ntiajteb no
Thov koj nco ntsoov kuv
#54 - MUAJ IB LEEJ NEEG DIG MUAG
Then Jesus Came
1. Muaj ib leej neeg uas zaum thov khawv rau ntawm kev
Qhov muag dig lawm tsaus ntuj nti tsis pom kev
Lub cev tshee na los tsis muaj neeg cev tes hlub
Thaum Yesxus los nws thiaj tau pom tshav ntuj
Thaum Yesxus los ntxwgnyoog lub hwj chim thiaj tso
Thaum Yesxus los nws thiaj so lub kua muag
Txoj kev tu siab thiab los kua muag kuj tag mus
Vajtswv tau pub kev xyivfab thaum nws los
2. Tus uas raug dab ntxwgnyoog quab yuam nws txoj siav
Kom nws khiav yoo tshaib yoo nqhis tsis tsheej neeg
Mus nyob txias zias rau tej roob toj ntxas txhua nrho
Thaum Yesxus los nws dim plaws dab xib teg
3. Cov neeg mob ruas tsa suab hu thov Vajtswv pab
Cov neeg lagntseg thiab cov neeg uas txomnyem
Sau zog quaj qw nrov nrov los thov txoj siav tshiab
Thaum Yesxus los lawv tau txais lub neej tshiab
4. Tibneeg nim no kuj ib yam sawvdaws ua txhaum
Sawvdaws thiaj ua dab qhev rau txhua txoj kev
Ua neeg nyob tsaus ntuj nti tsis muaj neeg yuav pab
Thaum Yesxus los lub siab thiaj nyob kaj nrig
#55 - TUS TSWV UAS MUAJ TXOJ SIA
He Lives
1. Tus Vajtswv uas muaj txoj siav
Muaj txoj siav txog hnub no
Neeg hais li cas kuj xij peem
Muaj txoj siav nyob ruaj nreeg
Kuv pom txhais tes uas khuv leej
Kuv hnov lo lus nws hais
Kuv lub siab cheemtsum Vajtswv
Nws los nyob ze
Tseem nyob tseem nyob nws muaj siav nyob hnubno
Tau hu kuv raws nws txoj hauv kev
Tau pab thaum kev txomnyem
Tseem nyob tseem nyob
Pab neeg kom tau txoj siav
Muaj yam uas kuv paub tseeb muaj nyob
Yog Vajtswv tus hlub peb
2. Hauv ntiajteb no ib puag ncig
Kuv pom nws txoj kev hlub
Txawm yog tias kuv yuav tu siab
Kuv haj tseem muaj vam thiab
Kom paub Vajtswv nws yuav coj
Kuv dhau cov cuadaj mus
Hnub tus Tswv los yuav ci heev
Twb los yuav txog
3. Cov ntseeg txhua tus kom hu nkauj
Lom zem xyivfab mus li
Ha le lus yas rau peb tus
Vajtswv Yesxus mus li
Tus uas raws nws kuj muaj vam
Tag nrho tus ntsib kuj zoo
Vajtswv tau pab thiab khuv leej
Nws muaj lus hlub
#56 - HWJ CHIM
Holy ,Holy,Holy
1. Hwj chim Hwj chim Hwj chim
Vajtswv muaj Hwjchim
Peb sawvdaws los hu nkauj
Qhuas Vajtswv ntuj txhua hnub
Vajtswv nws muaj hwjchim
Muaj lus hlub thiab khuvleej
Nws kav tag nrho saum ntuj
Thiab hauv lub ntiajteb
2. Hwj chim Hwj chim Hwj chim
Nws hwjchim loj kawg
Cov neeg qaum ntuj lawv txhos
Caug ntua los pe hawm nws
Ntau txhiab ntau vam hawm nws
Yog tus muaj hwjchim loj
Nyob thaum ub txog nimno
Thiaj yuav nyob mus li
3. Hwj chim Hwj chim Hwj chim
Neeg ntiajteb tsis pom
Vajtswv ntuj nws li tej
Hwjcim uas ci ntsa iab
Vajtswv yog tus tsim txiaj
Tsis muaj leej twg piv tau
Yog tug uas zoo kawg nkaus
Kom peb los hawm nws
#57 - KWVTIJ HMOOB NEJ PUAS XAV DIM
Do You Want To Be Delivered From Death?
1. Kwvtij Hmoob nej puas xav dim ntawm kev tuag
Tswv Yesxus cov ntshav ntxuav nej tau
Thaum Tswv Yesxus tuag saum tus khaublig ntoo
Nws mus nrog dab ua rog hauv dab teb
Nws kuv yeej nyuj vab thiab yeej dab noj nyoog
Puv peb hnub nws thiaj sawv tsees ntawm
Txoj kev tuag
Los peb ntseeg Yesxus thiaj li tsis puam tsuaj
Nws kuv yeej txoj kev tuag rov los lawm
2. Koj xav dim ntawm dab xib teg los tsis xav
Hauv dab teb ntuj tshav thiab teb nqhuab
Tsis pom qab muab noj tsis pom kev nrhiav haus
Tsis txhov nce kev kab nog taug kev kab ntsig
#58 -THOV LOS HAUV KUV SIAB
Hover O’er Me, Holy Spirit
1. Thov koj los hauv kuv lub siab
Thov tau tsa kuv txhab kuv lub zog
Txhab kom puv hauv kuv lub siab
Thov los hauv kuv lub siab nimno
Vaj Ntsujplig thov koj nqes los
Txhab kom puv hauv kuv lub siab
Txhab kom pub hauv kuv lub siab
Thov nqes los hauv kuv siab nimno
2. Vaj Ntsujplig thov ntxooj kuv siab
kom kuv txawj paub xyaum li koj qhia
Kuv lub siab cheemtsum koj los
Txhawb kuv lub zog thov los nimno
3. Kuv ua tus neeg uas qaug zog
kuv xav tau koj los nrog kuv nyob
Vaj Ntsujplig thov koj nqes los
Foom hmoov thiab nrog kuv nyob nimno
#59 - LEEJTXIV SAUB PAB PEB
Safely Through Another Week
1. Leejtxiv Saub pab peb txhua tug
Kom peb dhau ntawm kev tsaus ntuj
Hnubno peb tuaj ua ib tsev
Teev hawm txog Vajtswv lub npe
Vajtswv thov tsomkwm txua hnub
Kom peb tau txais kev tshav ntuj
Vajtswv thov coj peb txhua hnub
Txog rau thaum peb mus saum ntuj
2. Vajtswv Saub nws txoj kev hlub
Ua ntxoov ntxoo rau peb txhua tug
Nws Leejtub yog Tswv Yesxus
Tus uas tuag theej peb lub txim
Kom peb tso tseg txoj kev txhaum
Thaum peb tuaj ua Vajtswv tsaug
Thov vamkhom nws lub hwjchim
Nrog peb nyob mus li ib sim
3. Peb txhawb nqa VaTswv lub npe
Tus uas tau pub txoj siav ntev
Thov kev hlub ntawm Tswv Yesxus
Nrog peb nyob mus li ib sim
Vaj Yesxus hlub peb kawg li
Nws yeem tuag this peb lub txim
Vaj Yesxus yuav coj peb mus
Nrog nws nyob saum ceeb tsheej ntuj
#60 - VAJ TSWV NTSUJPLIG TAU COJ
Holy Spirit Faithful Guide
1. Vajtswv tus Ntsujplig tau coj
Peb lub neej txhua hnub txhua hmo
Pab cov nteeeg sawvdaws siab kaj
Taug kev mus saum nroog ntujkag
Thaum tshaib nqhis thiab tsis muaj zog
Thov pab kom kuv nyob ze koj
Ua Koj tsaug uas koj khuv leej
Yuav coj kuv mus saum ceeb tsheej
2. Thov Vajtswv koj tau los pab
Txo cov ntseeg lub nra uas hnyav
Kuv yuav ua raws koj txoj lus
Thov koj pab coj thiab qhia kuv
Kuv ua txhaum thiab siab tsis tus
thov Vajtswv koj ntxuav kom huv
Ua koj tsaug uas tau khuv leej
Thov coj kuv mus saum ceeb tsheej
3. Thaum haujlwm hnyav tau tag lawd
Vajtswv yuav los coj peb mus
Kuv ua tej haujlwm txhua hnub
Kuv vam tau mus nyob saum ntuj
Thov txais kuv mus nrog koj nyob
Saum ceeb tsheej uas zoo kawg nkaus
Ua Koj tsaug uas tau hlub kuv
Thov coj kuv mus nyob saum ntuj
#61 -KUV XAV TAU VAJ YESXUS
I’d Rather Have Jesus
1. Kuv xav tau Tswv Yesxus heev dua nyiaj thiab kub
Kuv xav tau Tswv Yesxus dua txhua yam huv si
Kuv xav tau Tswv Yesxus heev dua lub Tsheejntxwv
Kuv xav tau Tswv yesxus coj kuv simneej no
Heev dua ua Vajntxwv kav thoob plaws ntiajteb
Thiab ua tus neeg uas nplua nuj
Kuv xav tau Tswv Yesxus heev dua txhua yam
Uas ntiajteb muaj pub kuv
2. Kuv xav tau Tswv Yesxus heev dua tej lus qhuas
Kuv xav ua ncaj ncees rau nws lub luag hauj lwm
Kuv xav tau Tswv Yesxus heev dua muaj meejthawb
Kuv xav tau lub siab tseeb hawm Vajtswv lub npe
3. Vajtswv zoo dua paj ntoos uas muaj hauv ntiajteb
Nws lub npe tsimtxiaj tshaj plaws txhua tsav txhua yam
Vajtswv muaj yam uas zoo kom kuv siab xyivfab
Kuv xav tau Tswv Yesxus ua tus coj kuv kev
#62- THAUM KUV TSEEM MUAJ LUB NEEJ
I Need The Prayers
1. Thaum uas kuv tseem muaj lub neej nyob
Kuv lub siab cheemtsum nej thov Saub
Pab kuv kom ncajncees mus txhua hnub
Muaj txoj siav nrog Vajtswv ntuj nyob
Kuv xav kom kwvtij nej thov Saub
Pab kuv kev ntseeg thaum raug sim siab
Kom Vajtswv saibxyuas kuv txhua hnub
Kuv cheemtsum nej lo lus thov Saub
2. Kuv cheemtsum kom nej tau thov Saub
Pab kuv kom txhob ntsib kev sim siab
Kom thov Vajtswv los saib xyuas thiab
Thov nws hwjchim los povhwm kuv
3. Kuv xav kom kwvtij nej thov Saub
Pab kuv ruajnreeg ntawm txoj kev ntseeg
Yog tias kuv raug txoj kev txhawj xeeb
Thov Leejtxiv Saub pab kuv hla dhau
#63- LEEJ TWG SAWV NTAWM QHOV ROOJ
Theres A Stranger At The Door
1. Leej twg sawv nyob ntawm qhovrooj thov nkag los
Vajtswv txeev dhau mus dhau los thov nkag los
Thov nkag los tso mam li mus
Thov nkag los tus uas dawb huv
Vaj Yesxus yog Saub Leejtub thov nkag los
2. Qheb nej siab tos txais Vajtswv thov nkag los
Vajtswv yuav dhau yog nej qeeb thov nkag los
Caw koj los vim yog kwvluag
Tus uas pab tuav peb txoj siav
Nyob ib sim mus li tsis kawg thov nkag los
3. Mloog lub suab uas Vajtswv hu thov nkag los
Kavtsij qheb tos txais Vajtswv thov nkag los
Ntawm qhovrooj Vajtswv tau tos
Muaj Vajtswv nej yuav xyivfab
Vajtswv tus uas tau hlub peb thov nkag los
4. Tsawg tsuag mus tos txais Vajtswv thov nkag los
Nws yog tus yuav pub txoj siav thov nkag los
Nej txoj kev txhaum nws tsaws tseg
Nws pub nej tau txoj siav ntev
Yuav cia nej mus nyob saum ntuj thov los tsev
#64 -THOV QHIA RAU KUV
Sing Them Over Again To Me
1. Thov qhia rau kuv mloog dua ib zaug
Txog txoj kev tau txoj siav
Kuv tseem xav pom kom tseeb dhau no
Txog txoj kev tau txoj siav
Txoj kev ntawd tseemceeb kawg
Qhia lub siab kom ncajncees
Txoj kev tseem ceeb muaj txiajntsim heev
Tseem ceeb ntau dhau lwm yam
Txoj kev tseem ceeb muaj txiajntsim heev
Tseem ceeb ntau dhau lwm yam
2. Vaj Yesxus nws muaj hwj chim loj
Pub txoj kev tau txoj siav
Kom cov neeg txhaum sawvdaws paub
Txog txoj kev uas tau txoj siav
Vajtswv pub txhua leej mus
Nyob saum lub Ceebtsheej ntuj
3. Ntawv Fajlem yog lub suab nqua hu
Kom sawvdaws txais txoj siav
Hu hais tias Vajtswv zam txim tau
Thiab yuav pub txoj sia ntev
Vaj Yesxus ua tus pab
Nws yuav pub kev xyivfab
#65- THOV VAJ YESXUS LOS
Into My Heart
Thov Vaj Yesxus los hauv kuv siab
Thov los hauv kuv siab Tswv Yesxus
Thov los hnub no Thov los nim no
Thov los hauv kuv siab kiag nim no
#66 - NCO NTSOOV HNUB SO
Don’t Forget The Sabbath
1. Yuav tsum nco ntsoov hnub so
Vajtswv ntuj nws tau tsim tseg
Yog hnub xya uas tsimtxiaj kawg
Vajtswv nws tau foom hmoov
Tau thov kom peb sawvdaws so
Kom peb los txhawb nqa nws
Peb twb tau pom tej xyoob ntoo
Uas yog Vajtswv tau tsim
Caw los caw los caw los caw los
Txais hmoov hnub Xas-npas-taus
Caw los caw los caw los caw los
Txais hmoov hnub Xas-npas-taus
2. Hnub Chibso yuav tau so
Yog hnub uas hawm Vajtswv
Vajtswv tau tsim tseg kom caiv
Ua qhov chaw nraim lub cev
Kom peb sawvdaws xyaum mloog lus
Raws li Vajtswv nws hais
Vaj Cawmseej muaj dej ntws ntshiab
Los yug sawvdaws txoj siav
3. Hnubno yog hnub tseemceeb
Raws li peb lo lus ntseeg
Kom tuaj ua Vajtswv nws tsaug
Hnubno uas yog hnub so
Vajtswv Yesxus tus zoo kawg
Tus uas yog peb phoojywg
Nws hlub thiab khuv leej peb cov
Haiv neeg txhua leej txhua tus
#67 -HNUB NO YOG HNUB CHIB SO
O Day Of Rest And Gladness
1. Hnub no yog peb hnub chibso
Yog hnub uas peb zoo siab.
Muab kev nyuaj siab tso plhuav cia
Thaum hawm Vajtswv ua ke.
Peb ua ib lub siab txhawb nqa
Vajtswv nyob saum ceeb tsheej.
Hu nkauj txhawb nqa nws ib leeg
Uas tsim tib neeg sawv daws.
2. Vajtswv tus pab peb txojsiav
Pab kom dim kev ntxhov siab.
Mus cuag lub nroog ceeb tsheej tshiab
Muaj Vajtswv tus dej ntshiab.
Yog tus dej uas muaj txojsiav
Haus kom peb tsis txhob nqis.
Yuav muaj txoj siav mus ib sim
Nrog Vajtswv nyob ua ke.
3. Yog hnub uas sawvdaws zoo siab
Vajtswv pub vim yog hlub.
Hnubno peb yuav tau sib hlub
Hauv ntiajteb thiab ceeb tsheej.
Peb tau txais koob hmoov ntau heev
Hnub uas yog chib so no.
Tsis ntev yuav coj peb nce mus
Saum Vajtswv ceeb tsheej ntuj.
#68- KUV NYIAM VAJTSWV
I Love Thee Better Lord
1. Kuv nyiam Vajtswv tus pub kev dim
Ntau dua ntiajteb huv si
Vajtswv tsis pub kom tau ntxhov siab
Vim yog kuv tau neej tshiab
Vajtswv txoj kev hlub ntiajteb no
Tseem niaj hnub qhuab qhia mus
Txoj kev daws txim tau qhuab qhia mus
Tseem tsis tau thoob qab ntuj
2. Kuv paub Vajtswv nws nrog nraim peb
Pab peb dhau kev txom nyem
Vajtswv nws hlub peb cov sawvdaws
Ntau dua zaj nkauj uas qhuas
3. Nws nplij peb siab thiab nrog peb nyob
Mus li txhua hnub txhua hmo
Yog Vajtswv nws tsis tau khuv leej
Ntshe kuv twb tuag lawm ntev
4. Vajtswv nws muaj koob hmoov ntau kawg
Nws foom hmoov rau sawvdaws
Vajtswv pub kev zoo siab rau peb
Yog txais yuav nws lub npe
#69 -SAWV TSEES NLOOJ SIAB
Awake My Soul In Joyful Lays
1. Sawv tsees nplooj siab txhob nyob twjywm
Tsa suab hu nkauj txhawb nqa Vajtswv
Rau Vaj cawmseej tus tuam Vajntxwv
Nws khuvleej pej xeem nyob thoob ntuj
Kev hlub tsim txiaj kev hlub tsis txiaj
Kev hlub zoo tshaj ntawm Vaj Yexus
2. Tau pab kuv kom dhau kev ntxias dag
Tseem pab kom dhau ntawm kev ua phem
Nws muaj nplooj siab hlub tshua tibneeg
Thiab tau khuvleej pej xeem kawg nkaus
3. Txawm yog yeeb ncuab hauv ntiajteb no
Los yog ntxwgnyoog nrhiav kev ntxias dag
Vajtswv tseem pab tsis tseev kom ntshai
Nws hlub kuv tsis muaj hnub yuav kawg
4. Thaum muaj kev ntxhov siab yam ntwg huab
Ua ntuj tsaus ntais cuadaj ntsawj tuaj
Vajtswv tau nyob ze thiab tsomkwm
Thiab tau khuvleej thiaj tsis ntshai li
#70 -KOM TXHAWB NQA VAJTSWV
To God BeThe Glory
1. Vajtswv Saub nws hlub tib neeg hauv ntiajteb heev
Thiaj tso leej tub los ua ntiajteb tus cawm seej
Vajtswv nws tuag this kom peb tau dim lub txim
Qheb lub qhov rooj rau sawvdaws mus tau txoj sia
Kom txhawb nqa Vajtswv Saub
Kom peb koom kev zoo siab
Kom txhawb nqa Vajtswv Saub
kom peb koom kev zoo siab
Kom peb los nrhiav Leejtxiv ntawm peb Vaj Yesxus
Txhawb nqa Vajtswv tus ua nws muaj txoj kev hlub
2. Vajtswv nws cov ntshav tau ntws los ntxhuav lub txim
Vajtswv tau cog lus rau cov ntseeg nws huv si
Neeg phem uas tau ua txhaum yog ntseeg Vajtswv tiag
Txij ncua uas ntseeg Vajtswv yuav ntxuav nws lub siab
3. Vajtswv txoj kev hlub uas tau qhia peb txhua tug
Yog qhov uas Yesxus los tuag saum khaublig ntoo
Ib tsoom neeg ntiajteb yog los ntseeg Tswv Yesxus
Muaj hnub yuav tau mus nrog nws nyob puag saum ntuj
#71 - KEV HLUB ZOO DUA
Love Divine
1. Kev hlub zoo dua ntau dhau lwm txoj
Yog hmoov uas Vajtswv nchuav los
Caw los nyob hauv kuv lub siab no
Vajtswv kev hlub kav kuv siab
Tus tawv Yesxus nws tau khuv leej
Nws ncaj nceeg thiab nyiam qhov tseeb
Thov koj pub txoj kev tseeb rau peb
Nplij siab ntuas tus uas nyob tos
2. Koj lub hwj chim muaj peevxwm pab
Tau coj kuv los txog hnubno
Kuv vam tias koj yuav coj kuv mus
Kom txog hnub uas tau zoo lawm
Thaum kuv tseem yuam kev mus deb lawm
Koj tseem tau nrhiav thiab tau raws
Thiab pab kuv kom dhau kev txomnyem
Ntawm dab ntxwgnyoog lub xibteg
3. Vajtswv tau pab kuv kom los txog
Kom tau txais txojsia ntawm nws
Tau tig rov los thiab ua siab ruaj
Yuav ncaj ncees tsis tso nws tseg
Yuav txhawb nqa Vajtswv nws lub npe
Yam Leejtub uas ncajncees lawm
Yuav niajhnub thov Saub tsis tseg li
Thiab txaus siab hauv txoj lus hlub
4. Thov tsim lub ntiajteb tshiab kom tiav
Huv qas si dawb paug ci iab
Tshav ntuj nrig tsis muaj kev lwj siab
Yuav tau zoo nyob mus ib sim
Thov kom kuv npaj siab tu cev txhij
Txog thaum uas tau lub momkub los ntoo
Thiab pe hawm Vajtswv mus li
#72- VAJTSWV KEV HLUB
The Love of God
1. Vajtswv kev hlub muaj ntau kawg nkaus
Muab cwjmem sau los piav tsis tag
Siab dua hnubqub puag saum qab ntug
Thiab tob dua ntiajteb sab hauv ub
Vajtswv nws hlub peb cov tib neeg
Thiaj los ua tug Cawmseej
Neeg txhaum sawvdaws Vajtswv tau this
Thiaj tau zam peb lub txim
Vajtswv kev hlub muaj ntau kawg nkaus
Tsis muaj peevxwm piav tau
Vajtswv kev hlub yuav ua zaj nkauj
Rau peb hu ib simneej
2. Txog thaum ntuj kawg thiab ntiajteb kawg
Lub teb lub chaw yuav puamtsuaj mus
Thaum cov tibneeg tsis nco thov Saub
Thiab khiav mus nkaum rau pem toj roob
Vajtswv kev hlub yuav nyob ibtxhis
Tsis muaj yuav puam tsuaj li
Vajtswv nws hlub tuag this peb dim
Yuav piav tsis tag ib sim
3. Xuas dej hiavtxwv los ua kuamem
Kais saum qab ntug ua tus npe ntawv
Txawm yog cwjmem tag nrho ntiajteb
Thiab cov tibneeg yuav pab muab piav.
Hais txog kev hlub ntawm Vajtswv ntuj
Txog thaum ntiajteb tag mus
Dav dua hiavtxwv ceeblaj piav tau
Kev hlub ntawm Vajtswv Saub
#73 -PESTUS
Feed My Lambs
1. Tswv Yesxus nws hais tias Pestus
Yog koj hlub kuv tiag koj tu kuv
Pab me yaj me tub koj tu pab yaj
Me tub e rau siab tu pab yaj
2. Tus ntxhais qhev pom dheev nws hais tias
Koj twb nrog Yesxus ua ke sav
Pestus fee plhu das nws tsis lees paub
Neeg nrhiav kev txhaum nkaug Tswv Yesxus
3. Muaj neeg los nug kiag Pestus tias
Koj twb yog neeg nyob Ka-li-lais
Koj lub suab hais lus ua rau kuv paub
Pes tus twv ntxhias tias kuv tsis yog
4. Cov neeg phem coj Tswv Yesxus los
Tag tus hlob tus yau nkaug tes nki
Ntau Tswv Yesxus ib ce doog ntshav tag
Tsis
5. Thaum me lau qaib qua Pestus hnov
Pes tus xav zoj txog Tswv Yesxus
Tej lus qhia tseg ces tu nws siab heev
Nws thiaj tawm mus quaj Vim nws tshua
muaj leej twg pab hais ib los
#74 -KUV NYIAM THIAB NTSEEG YESXUS
My Jesus, I Love Thee
1. Kuv hlub thiab pe hawm Vaj Yexus Saub Leejtub
Tso plhuav txoj kev txhaum raws koj mus txog hnub kawg
Koj coj peb dhau txim pub siav tshiab rau txhua tug
Nimno thov muab lub siab lub cev rau Vajtswv
2. Kuv hlub Vaj Yexus vim yog nws xub hlub kuv
Nwg tuag saum khaublig muab ntshav ntxuav kuv kev txhaum
Yeebncuab muab mom pos rau Vaj Yexus nws ntoo
Nimno thov muab lub siab lub cev rau Vajtswv
3. Kuv yuav hlub txog hnub lub ntiajteb kawg
Nco ntsoov nws tshav ntuj hauv kuv siab mu sib sim
Hais txog nws hwjchim thiab kev hlub hais tsis tag
Nimno thov muab lub siab lub cev rau Vajtswv
2. Thaum mus txog saum ntuj yuav xyivfab lom zem heev
Yuav hu zaj nkauj txhawb nqa nrov ncha thoob Ceebtsheej
Thiab tau ntoo momkub yog Vajtswv muaj rau kuv
Nimno thov muab lub siab lub cev rau Vajtswv
#75 -SAUM KHAUB LIG NTOO
On The Cross
1. Saum khaub lig ntoo kuv pom kev hlub
Thiab kev txom nyem uas nws tau nyiaj
Tswv Yesxus tuag this kuv txoj sia
Cov ntshav tau ntws los thoob lub cev
2. Qhov chaw no yog chaw
Nco txog kev hlub uas loj tshaj
Tau tso txoj siav this sawvdaws
Uas poob hauv txoj kev ua txhaum
3. Lawv muab mom pos los rau nws ntoo
Vajtswv tsis hais tsis cem ib los
Lawv tau thuam thiab hais kom txaj muag
Thiab nto qaub ncaug rau nws ntsej muag
4. Nws raug lawv nplawm tsis muaj dag zog
Lawv xuas hmuv nkaug ntawm nws sab tav
Lawv xuas ntsia lau los ntsia Vajtswv
Txog thaum uas tuag saum ntoo khaub lig
#76- VAJTSWV LO LUS HLUB
Amazing Grace
1. Koj txoj kev hlub kuv zoo siab kawg
Txawj pab tibneeg sawvdaws
Koj this kuv tuag saum ntoo khaublig
Cawm kuv thiaj tsis puam tsuaj.
2. Vajtswv kev hlub coj kuv los ntseeg
Kuv yuav ncaj ncees mus li
Yesxus pab kuv dim plaws lub txim
Tau siab xyivfab ibtxhis
3. Thaum uas yuav tso ntiajteb no tseg
Yesxus yuav coj peb kev,
Los sis xyivfab sawvdaws hu nkauj
Yesxus coj mus saum ntuj.
4. Peb nyob saum ntuj kev tuag tsis muaj
Tsis raug txoj kev puam tsuaj.
Peb yuav hu nkauj uas Vajtswv tsaug
Peb yuav ua ke ib txhim.
#77-KEV HLUB NTAWM LEEJTXIV SAUB
Brightly Beams Our Fathers Mercy
1. Txoj Kev hlub los ntawm Leejtxiv Saub
Zoo yam li lub teeb taws tseg
Kom cov ntseeg muaj txoj kev sib hlub
Ua lub teeb tsom rau txhua tug
Kom lub teeb nyob ci rau txhua qhov
Tsom tshav ci rau sawvdaws pom
Neeg ntiajteb kuj nyob tsaus ntuj nti
Yuav tsum pab kom lawv tau dim
2. Txoj kev txhaum kev tsaus ntuj nyob thoob
Yam nthwv dej nyob hauv hiav txwv
Tsaus ntuj nti suab dej nroo ntxim ntshai heev
Luag ntshaw txog cov ntseeg lub teeb
3. Txoj kev ntseeg piv yam lub teeb taws
Hauv hiav txwv tsom rau sawvdaws
Yuav tsom tshav rau cov neeg pom kev
Kom pab lawv dhau kev txomnyem
#78- VAJTSWV YOG TXOJ KEV HLUB
God Is Love
1. Vajtswv yog txoj kev hlub
Nws saib xyuas qhov txhia chaw
Vajtswv thiaj hlub peb tiag
Nws los qhia rau peb paub
Paub tseeb ntawm Vaj Yesxus
Vajtswv yog kev zoo
Vajtswv yog kev tseeb
Vajtswv ib leeg thiaj zoo
Peb sawvdaws los hawm nws
Peb sawvdaws los hawm nws
2. Vaj Yesxus tuag tagnrho
Puv peb hnub sawv rov los
Qhia rau ntiajteb paub tias
Vajtswv nws muaj hwj chim
Pab tibneeg ntiajteb dim
#79 - SIM NEEJ NO
Love’s Rainbow
1. Sim neej no tsuas muaj kev txom nyem
Zoo yam cov huab dub uas npog
Uas Vajtswv nws tseem nco ntsoov txog
Pab lub zog tus uas lwj siab
Txawm huab tuab puv lub ntuj tsaus nti
Npog kev ntseeg kom tsis pom tseeb
Muaj tshav ci ntawm cov huab uas dub
Yog Vajtswv tus zaj uas hlub
Thaum cua tus kuj tau pom z aj tshiab
Ci ntsa iab raws li lus cog
Tus zaj uas hlub tsom tshav rau yus
Kev tsaus ntuj rov tshav ntuj nrig
2. Txawm kuv tau ntsib txoj kev lwj siab
Kom saib ntawm lo lus cog cia
Uas yog Vajtswv ntuj nws tus zaj
Txoj siav yuav ntsib kev xyivfab
Kom saib cov tshav uas zoo nkauj heev
Uas qhia kom kuv hlub Vajtswv
Yog lus ruaj nreeg uas qhia rau kuv
Ntawm Vajtswv tus zaj uas hlub
Kev tsaus ntuj rov tshav ntuj nrig
3. Kom txhob ntshai thiab kom tsis txhob thim
Txawm yog ntsib txoj kev tsaus ntuj
Ua tiag mus kev tseeg yuav pab tau
Kev hlub saum ntuj ua lub zog
Thaum lub neej muaj kev tsaus ntuj npog
Kom koj nco ntsoov tsis txhob ntshai
Muaj tshav tsom thaum koj siab tsaus ntuj
Ntawm Vajtswv tus zaj uas
#80 -TSWV YESXUS KOJ HLUB KUV
His Banner Over Me
1. Tswv Yesxus koj yog kuv tus Tswv
Tswv Yesxus koj yog kuv tus Tswv
Koj txib kuv mus qhia Vajtswv txoj lus
Tswv Yesxus koj yog kuv tus Tswv
Tus Tswv tus Tswv
Tswv Yesxus koj yog kuv tus Tswv
Koj txib kuv mus qhia Vajtswv txoj lus
Tswv Yesxus koj yog kuv tus Tswv
2. Tswv Yesxus koj yog tus hlub kuv
Tswv Yesxus koj yog tus hlub kuv
Koj pub zaub mov rau kuv noj nplua mias
Tswv Yesxus koj yog tus hlub kuv
Hlub kuv hlub kuv
Tswv Yesxus koj yog tus hlub kuv
Koj pub zaub mov rau kuv noj nplua mias
Tswv Yesxus koj yog tus hlub kuv
3. Tswv Yesxus koj yuav nqes rov los
Tswv Yesxus koj yuav nqes rov los
Peb yuav ntsib koj puag saum ib nta ntuj
Tswv Yesxus koj yuav nqes rov los
Rov los rov los
Tswv Yesxus koj yuav nqes rov los
Peb yuav ntsib koj puag saum ib nta ntuj
Tswv Yesxus koj yuav nqes rov los
#81 -ZOO SIAB THAUM NTSEEG YESXUS
Tis So Sweet To Trust In Jesus
1. Kuv zoo siab tau ntseeg Vaj Yesxus
Tau ua raws txoj lus qhuab qhia
Thiab vamkhom Vajtswv lo lus cog
Uas tau sau rau hauv phau ntawv
Peb Vaj Yexus kuv ntseeg koj tiag
Kuv tau xav thiab tau xaiv lawm
Peb vaj Yexus tus pab zoo kawg
Tau pub kev zoo siab xyivfab
2. Yuav xyivfab tau ntseeg Vaj Yesxus
yuav tau tseg kev txhaum huv si
Los txais yuav txoj siav tshiab tsis tuag
Qhov ntawd thiaj li yog kev zoo
3. Koj txoj lus kuv zoo siab ua raws
Vim koj pab kuv tau dim plaws
Ntseeg tias yuav tau nrog Vajtswv nyob
Nrog koj nyob ib sid tsis kawg
4. Kuv zoo siab tau vam khom Yesxus
Vaj cawm seej tus uas pab kuv
Kuv ntseeg tias nws yuav pab kuv mus
Yuav pab mus ib sid tsis kawg
#82 -Tus uas sawm zoo
Nws kuj yeej yuav qhov zoo
1. Tus uas sawm zoo nws kuj yeej yuav qhov zoo
Qhia kom ua zoo nws mloog lus thiab
Nws muab siab npuab ua raws Tswv Yeshausvas
Nws thiaj yog Vajtswv me nyuam tiag
2. Nws yam tus ntoo uas cog tau rau zoo chaw
Pheej muaj dej yug kom nws hlav nplooj
Cua tshuab tshav ntuj pes tsawg tsis kav Tsis qhuav
Nws thiaj tawg paj txi txiv mus li
3. Cov neeg tsis ntseeg yuav raug txoj kev txom nyem
Lawv ua tsis zoo los rau lawv ris
Qhia txoj kev ncaj rau lawv mas lawv tsis yuav
Cov neeg ua txhaum yuav raug teem txim
4. Cov tsis ntseeg nws yeej los tsis paub xyaum zoo
Lawv yam npluag nplej yuav muab pov tseg
Lawv ua yam twg kuj nyob ib vuag dua xwb
Yeej yuav piam mus hauv hav hluav taws
#83-COV POJ YAWM TXWV KOOB
Faith Of Our Father
1. Lus ntseeg ntawm cov poj yawm txwv koob
Txawm yog raug quab yuam ntawm riam phom
Sawv ruaj nreeg nyob lawv tsis tsiv deb
Vajtswv cov lus qhia lawv nco ntsoov
Lo lus ntseeg ntawm lawv sawv ruaj nreeg
Tias yuav ncaj ncees mus txog hnub tuag
2. Txawm yog raug ntes coj mus kaw nkuaj
Nplooj siab xyivfab tseem ntseeg nws ruaj
Txoj sia yuav tu los tsis khuv xim
Yog muaj lus ntseeg yeej yuav tau dim
Ua neeg ncaj ncees mus txog hnub tuag
Yog muaj lus ntseeg yeej yuav tau dim
3. Kuv xav muaj kev hlub yam li lawv
Tsis xaiv kwv tij thiab yeeb ncuab li
Kev ncaj kev ncees yog txoj kev zoo
Qhuab qhia txhua tus paub Vajtswv ntuj
Lawv li kev ntseeg mas dawb huv heev
Ua neeg ncaj ncees mus txog hnub tuag
#84-TUAV VAJTSWV YESXUS
Standing On The Promises
4. Tuav Vajtswv Yesxus txoj lus kom ruaj nreeg tseg
Txhua caij nyoog kom hu nkauj txhawb nqa nws lub npe
Yuav hu nkauj txhawb nqa txog peb tus txwv Yesxus
Tuav ruaj nreeg Vajtswv lo lus cog mus
Tuav…tseg…kom…ruaj
Tuav Vajtswv lo lus cog kom
Ruaj nreeg tsis txhob tso
Tuav…tseg…kom…ruaj
Kuv yuav tuav Vajtswj txoj lus cog kom ruaj
5. Tuav Vajtswv txoj lus cog uas nws hais cia tseg
Txawm yog thaum ntsib txoj kev ntshai thiab kev txomnyem
Vajtswv txoj lus tseeb yuav coj kom yeej kev phem
Kom tuav ruaj nreeg Vajtswv lo lus tseg
6. Ntseeg ruaj nws lo lus yuav tsis ntsib kev tu siab
Thaum peb tso siab rau Vaj Ntsujplig ua tus qhia
Taug nws txoj kev ncaj yuav zoo siab xyivfab hlo
Kom tuav ruaj ntawm Vajtswv lo lus cog
#85-PEB NROG YESXUS MUS
Trust And Obey
1. Peb nrog Yesxus mus kev vam khom nws li txoj lus
Nws yuav coj peb mus txoj kev xyivfab
Peb ua raws nws lub siab
Nws nrog peb nyob ib txhis
Thiab nrog sawvdaws uas ntseeg thiab mloog lus
Ntseeg thiab mloog lus
Tsis muaj dua lwm txoj kev
Yuav zoo siab cuag Yesxus txoj
Yuav tsum ntseeg thiab mloog lus
2. Yog peb khuv xim kev phem pheej tsis xav muab pov tseg
Peb tsis txawj txais Yesxus li tshav ntuj
Muab kev phem tso pov tseg
Los xyaum nws li txoj kev
Nws yuav pab yog peb ntseeg thiab mloog lus
3. Mloog Yesxus li txoj lus nrog nws nyob ua ib ke
Peb thiaj tsis mus yuam kev rau lwm txoj
Nws hais dab tsi peb ua
Qhia mus qhov twg peb mus
Tsis txhob ntshai yuav tsum ntseeg thiab mloog lus
#86-TXOJ SIAV MUAB COB KOJ
Entire Consecration
1. Kuv txoj siav muab cob Vajtswv
Kuv thov mus ua koj hauj lwm
Tag nrho kuv nplooj siab nplooj ntsws
Kuv tseg ncua txoj kev ua txhaum
Thov Vajtswv koj pab ntxuav kuv kev txhaum
Ntxuav kom tag thiab thov ko j tau hlub kuv
Txoj siav muab cob koj
Ua koj li hauj lwm mus
Thov nyob ze koj lub xub ntiag
2. Thov kom kuv xav rau txoj zoo
Txhawb nqa Vaj Yesxus Vaj Yesxus lub moo
Kuv thov pub nplooj siab lub cev
Ua Vajtswv koj lub chaw nyob
3. Kuv txhais taw uas koj tau tsim
Taug koj txoj kev ncaj mus li
Pub suab rau kuv tau hu nkauj
Txhawb nqa rau peb Vajtswv Saub
#87-TUS NTSEEG YESXUS
How Firm A Foundation
1. Tus uas ntseeg Yesxus yuav ruaj nreeg tsis puam tsuaj
Tuav Vajtswv lo lus ua chaw ruaj ntawm peb tseg
Tsis muaj lo lus twg uas tau khaws tsis qhia peb
Thaum peb tsiv kev phem tau vam khom peb tus Tswv
Thaum peb tsiv kev phem tau vam khom peb tus Tswv
2. Thaum hais peb hla tus niam dej rau ntu twg los
Ntu dej ntawm kev phem yuav tsis muaj peev xwm tshoob
Vim txoj kev txom nyem Vajtswv yuav nrog thiab pab
Thaum hla niam dej nws yuav nyob ze thiab pab peb
Thaum hla niam dej nws yuav nyob ze thiab pab peb
3. Txoj kev uas txib mus yog muaj hluav taws kub heev
Vajtswv nws khuv leej muaj hwj chim pab peb tau
Yuav dhau cub hluav taws vim nws tau pub kev dim
Rau ntawm peb cov ntseeg sawvdaws thiaj muaj txoj siav
Rau ntawm peb cov ntseeg sawvdaws thiaj muaj txoj siav
4. Cov Ntsujplig uas los nraim ntawm Vajtswv Yesxus
Vajtswv yuav tsis tso nws tseg rau tus yeeb ncuab
Txawm tias dab ntxwg nyoog xav tau nws tus Ntsujplig
Vajtswv nws yuav tsis tso tseg rau dab ntxwg nyoog
Vajtswv nws yuav tsis tso tseg rau dab ntxwg nyoog
#88-KUV THOV NRUJ TXHIA YAM
Lord ,I Care Not For Riches
1. Kuv thov nrauj txhia yam huv si
Uas nyob hauv ntiajteb no
Kuv vam ntsoov rau txoj siav ntev
Uas Yesxus pub rau kuv
Nws yeem lus hais rau kuv tias
Yuav sau kuv lub npe cia
Hauv Vajtswv phau ntawv txoj siav
Puas sau kuv lub npe cia
Kuv lub npe puas tau sau
Hauv phau ntawv zoo kawg nkaus
Vajtswv ntuj phau ntawv tsim txiaj
Puas sau kuv lub npe cia
2. Kuv muaj txim ntau kawg nkaus li
Ntau yam li hmoov av ntau
Muaj Yesxus li cov ntshav ntxuav
Tau pab kuv thiaj tau dim
Vaj Yesxus cog lus tseg tias
Nws tsis tau tso kuv cia
Txawm yog kuv muaj txoj kev txhaum
Nws yuav ntxuav kom dawb paug
3. Saum ceeb tsheej mas zoo nkauj kawg
Tsis muaj ib nyuag qhov txhawj
Cia peb ua lub siab ntev tos
Muaj ib hnub yuav mus nyob
Ntiajteb no mas zoo tsis cuag
Ntiajteb no muaj kev tuag
Kuv yuav ntseeg tus Tswv Yesxus
Peb chaw nyob yog saum ntuj
#89-YUAV TAU KOOB HMOOV YAM NAG
There Shall Be Showers Of Blessing
1. Yuav tau koob hmoov yam Li nag los
Raws li Vajtswv lo lus cog
Yuav tau kev zoo siab heev kawg nkaus
Yog Vajtswv ua tus yuav pub
Thov koob hmoov ntws los
Yam kob nag tau nchuav poob los
Tau txais lawm thiab tiam sis tsis txaus
Thov nchuav koob hmoov dua ib zaug
2. Thov koj foom koob hmoov ib zaug ntxiv
Txog thaum ntsuj plig tau xyivfab
Thov Vajtswv koj pab ntxooj lub siab
Kom sawvdaws ua raws koj qhia
3. Thov koj foom koob hmoov ib zaug ntxiv
Thov koj pub kiag rau nim no
Rau cov ntseeg tau txais kev zoo siab
Yam lo lus ua koj tau qhia
4. Thov kom foom koob hmoov ib zaug ntxiv
Thov foom koob hmoov rau hnub no
Kuv thov los lees lub txim rau koj
Thov koj hlub thiab khuv leej kuv
#90- MUAJ KOOB HMOOV NTAU
Come,Thou Fount Of Every Blessing
1. Vajtswv muaj koob hmoov ntau kawg nkaus
Yam li lub pas dej ntshiab ntws
Twb yog nws kuv siab thiaj xyivfab
Hu nkauj txhawb nqa mus tag hnub
Vajtswv khuv leej thiab hlub peb heev
Kuv thiaj thov hu nkauj qhuas nws
Qhia kom hlub thiab qhia kom khuvleej
Kom vam txoj siav rov tom ntej
2. Thaum uas kuv tseem uas tib neeg txhaum
Thiab yuam kev mus mus los los
Tiam sis nim no kuv tau txoj siav
Vim yog Vajtswv ua tus pub
Vaj Yesxus kuv ua raws koj qhia
Kuv thov ua raws koj lub siab
Thaum Vajtswv koj nqes rov qab los
Thov koj coj kuv mus saum ntuj
3. Koj kev tshav ntuj muaj ntau kawg nkaus
Kuv tsis muaj ib yam pauj tau
Ua raws kev zoo li koj tau qhia
Kuv lub siab txawj ntseeg koj zoo
Kuv thov pub lub siab thiab lub cev
Thov koj teb kuv lo lus thov
Thov koj tau txais thiab nco txog kuv
Thov koj sau kuv lub npe cia
#91-FOOM HMOOV THAUM XYOO TSHIAB
A New Years Blessing
1. Peb ua koj tsaug Vajtswv koj pub peb tau zoo nyob kaj siab
Koj tso tus Cawmseej los yug rau hauv lub ntiajteb no tiag
Nws los cawm peb txoj siav kom peb dim dab Ntxwgnyob xibteg
Vajtswv thov koj foom hmoov rau sawv daws lub xyoo tshiab no
Thov koj foom koob hmoov zoo rau txhua tug
2. Peb txiv Vajtswv nws txib tub txib saum ntuj nqes los hais qhia
Txoj hmoov zoo rau cov tub yug yaj uas nyob tom lub nras liaj
Nej tus Cawmseej Tswv Yesxus twb los yug hauv Npe le hees
3. Vajtswv koj foom koob hmoov rau txhua tus kom tsuas muaj tau zoo
Suav txij hnub no mus tom ntej mus kom sawvdaws nyob thawm xyoo
Peb ua neej kaj siab tib lug mus txog hnub dim plaws kev txhaum
4. Nim no Vajtswv peb ua koj tsaug peb nco koj tej lus ntuas
Yesxus pab peb txhua niaj txhua xyoo kom peb nyob tso siab plhuav
Xyoo tshiab no mus peb yuav ua lub neej rau koj tau ntsej muag
#92-TXOJ KEV SIB YUAV
Tune Of: O Happy Day! That Fixed My Choice
1. Txoj kev sib yuav los nyob ua ke
Thov Yesxus los nyob peb lub tsev
Peb sawvdaws tuaj muaj siab xyivfab
Nrog neb ob tug saib laj ib tsam
Peb tus Tswv thov nqes los
Thov qhia ob tug los pib lub ceej
Xyov zoo los phem xyov ntev los luv
Nyob ntawm tus Tswv yuav tau sib hlub
Peb tus Tswv thov nqes los
Thov qhia ob tug los ua niam txiv
2. Ib txig ib nkawg yuav tsum sib hlub
Los nyob ua ke tsis txhob sib ntxub
Los nyob ua noj yuav muaj siab puab
Yuav tau sib hlub thiaj tsheej ib cuab
3. Yog neb sib sau los nyob ua ke
Nyob ua ib tsev tsis txhob sib ceg
Neb ua ib puab tsis txhob tso tseg
Tus Tswv yuav qhia mus lawm tom ntej
4. Kwv tij sawvdaws peb tuaj ua ke
Nyob ntawm tus Tswv Yesxus lub npe
Thov foom hmoov zoo ob tug sib yuav
Sib nyiam mus li tsis txhob sib dhuav
#93- LUAG PUAS POM VAJTSWV HAUV NEJ
Can The World See Jesus In You?
1. Peb lub neej puas nyob ze Vajtswv me ntsis
Hauv lub neej ntiajteb uas muaj kev txomnyem
Luag puas pom nej muaj Vajtswv ntuj kev hlub
Uas tsom los ntawm khaub lig ntoo
Luag puas pom Vajtswv nrog nej nyob
Luag puas pom Vajtswv nrog nej nyob
Txoj kev hlub thiab tes hauj lwm
Puas nyob ze Vajtswv npaum twg
Luag puas pom Vajtswv nrog nej nyob
2. Vajtswv nws hlub peb dua txhua yam huvsi
Peb yuav tsum tau hlub cov neeg uas muaj txim
Peb yuav tsum pab cov neeg uas tseem ua phem
Kom lawv thiaj tau txoj siav ntev
3. Peb lub neej zoo li phau ntawv uas nthuav cia
Luag yuav nyeem peb txhua tus lub neej txoj siav
Peb yuav tsum ua kev zoo rau luag tau pom
Coj lawv los ntsib txoj kev dim
#94-TAU PUB KOM KUV MUS RAWS VAJTSWV
O Let Me Walk With Thee
1. Thov pub kom kuv taug raws Vajtswv
Zoo yam Hasnauj taug puag thaum ub.
Pab tuav kuv txhais tes tshee na no
Nyob ze Vajtswv txhua lub sijhawm
Yog kuv tsis pom ncauj ke tom ntej
Vajtswv Yesxus thov tuav kuv tes
2. Kuv tsis kav taug kev mus ib leeg
Vim yog cua daj ntsawj kuv ntshai heev .
Lub voj hluas ntau txheeb cuab kuv taw
Txhua qhov uas yeeb ncuab tos kuv kev
Tiamsis Vaj Yesxus tuav kuv tes
Vajtswv Yesxus muaj hwj chim loj
3. Yog tias Vajtswv tuav kuv txhais tes
Kuv yuav tsis ntshai rau txhua txoj kev.
Kuv yuav tau txais txoj kev xyivfab
Kwv tus khaublig ntoo lawv nws qab.
Yuav pom rooj ntug puag saum ntuj kag
Vajtswv Yesxus thov tuav kuv tes.
4. Tau pub kom kuv taug raws Vajtswv
Zoo yam Hasnauj taug puag thaum ub.
Pab tuav kuv txhais tes tshee na no
Nyob ze Vajtswv txhua hnub txhua hmo
Yog kuv tsi pom ncauj ke tomntej
Vajtswv Yesxus thov tuav kuv tes
#95-NYOB NTAWM VAJ YESXUS
Sitting At The Feet Of Jesus
1. Nyob ntawm Vaj Yesxus lub xub ntiag,
Kuv mloog Vajtswv koj lus qhia
Yog qhov chaw uas kuv xyivfab heev,
Kuv yuav nyob ntawd ib sim neej
Thaum nyob ntawm Vajtswv koj xub ntiag,
Kuv xav txog yav neej nram ntej
Uas koj hlub thiab khuv leej kuv kawg,
Tau ntxuav kuv lub siab kom dawb
2. Nyob ntawm Vaj Yesxus lub xub ntiag,
Yog qhov chaw tau txais txoj sia
Txoj kev iab kev khwv kuv dim plaws,
Kuv yuav tau mus so rau ntawd
Nyob ntawd Vaj Yesxus lub xub ntiag,
Kuv lub siab thov nws tsis tseg
Kev hlub nws tau qhia rau kuv pom,
Txhua hnub kuv thiaj muaj lub zog
3. Vajtswv thov foom hmoov rau kuv thiab
Thaum kuv nyob ntawm koj xub ntiag
Thaum txom nyem thov khuv leej thiab hlub
Thov pub kev ncaj nceeg rau kuv
Pub koj lub siab los nrog kuv nyob
Pab kom kuv ua tus neeg zoo
Koj nrog kuv nyob txhua hmo txhua hnub
Coj kuv taug txoj kev ncaj mus
#96-TUS KWS TSUAJ MUAJ HWJ CHIM
The Great Physician Now Is Near
1. Peb tus cawm seej tau los nyob ze
Lub npe loj kawg yog Yesxus
Leej twg tu siab los nws pab nplij
Kom nej tso siab ntawn Yesxus
Zoo mloog kawg suab nkauj saum ntuj
Hu nkauj qhuas txog Tswv Yexus
Zoo mloog dua uas txeev tau hu
Lub npe ntawd yog Tswv Yesxus
2. Vajtswv tau pab daws peb lub txim
Vaj Yesxus yog txoj kev dim
Nej mus saum ntuj tsis txhob tig rov
Thiaj tau momkub ntawm Yesxus.
3. Vajtswv nws muaj hwj chim loj heev
Txhua leej tau vam nws lub npe.
Kev hlub ntawm nws tsis muaj hnub kawg
Peb sawvdaws hawm nws lub npe.
4. Thaum Vajtswv nws los faib momkub
Momkub zoo kawg ntawm txoj sia.
Peb yuav zoo siab thaum txais kev dim
Mloog nws txoj lus mus ib sim.
#97 - KUV THOV RAWS VAJ CAWM SEEJ
I will Follow Thee
1. Thov ua raws tus ua pab txoj sia
Yog Vaj Tswv tus uas tsim txiaj
Txawm yog kuv ntsib kev nyuaj siab
Kuv yuav raws Vajtswv mus li
Kuv thov raws peb tus Vaj Cawmseej
Vim Vajtswv tuag this kuv lawm
Txawm phoojywg yuav muab kuv tso cia
Kuv yuav raws Vajtswv mus tiag
2. Kev txomnyem nyuaj siab tsaus ntuj nti
Los kuv yuav nrog nws mus li
Vim Vajtswv nws mus ua kuv ntej
Txhua txoj kev kuv yuav tsis ntshai
3. Txawm yuav muaj Ntxwgnyoog tav kuv kev
Tos qas nrhw ntawm kuv hauv ntej
Kuv yuav nco ntsoov txog Vajtswv ntuj
Vim nws hlub nws yuav pab kuv
#98-KUV UA VAJTSWV NWS THWJ TIM
I Am Thine O Lord
1. Kuv ua cov thwj tim uas Vajtswv tau hu
Kom los nrhiav nws txoj kev hlub
Thiab muaj siab ruaj nreeg
Nyob hauv txoj kev ntseeg
Uas yuav tau nyob ze Vajtswv
Thov tau pub kuv los nyob ze Vajtswv
Tus uas tuag saum khaublig ntoo
Thov tau pub kom kuv los nyob ze rau Vajtswv
Tus uas tau txomnyem this kuv
2. Pub kuv ua Vajtswv koj lub luag haujlwm
Thov pub lub dag zog rau kuv
Kom kuv sab Ntsujplig
Thiaj yuav muaj chaw khom
Thiaj yuav tau los so ntawm koj
3. Kuv xyivfab thaum tau los nyob ze Vajtswv
Txhua sijhawm kuv siab thiaj kaj
Kuv txhos caug ntua thov
Vajtswv koj txhua zaug
Yam kuv tau nrog kwvluag tham
4. Vajtswv hlub kuv ntau tsis txawj coj los piav
Txog Vajtswv nws txoj kev zoo
Yuav nco ntsoov Vajtswv
Nws txoj koob hmoov mus
Txog rau hnub tso ntiajteb tseg
#99-NROG VAJTSWV MUS KEV
Walking With Jesus
Peb nrog Vajtswv mus
Niajhnub nrog nws mus
Taug kev mus saum ntuj
Peb nrog Vajtswv mus
Nrog Vajtswv ib leeg mus xwb
Zaum puav tau kev zoo siab
Zaum puav tau ntxhov siab
Hniajhnub nrog nws mus
Taug kev mus saum ntuj
Peb nrog Vajtswv mus
Nrog Vajtswv ib leeg mus xwb
#100-UA TXHUA TSAV NTAWM KUV
Jesus Is All the Word to Me
1. Vaj Yesxus ua txhua tsav ntawm kuv
Yog txojsia uas xyivfab.
Tau pub dag zog rau kuv niajhnub
Tsis tau muab kuv tso tseg
Thaum kuv raug kev txomnyem nws pab
Thaum kuv ceeblaj nws nplij kuv siab
Vajtswv hlub kuv nws nrog kuv nyob ua kwv luag
2. Vaj Yexus ntuj ua txhua yam rau kuv
Nws nrog kuv nyob txhua hnub
Thaum kuv txhos caug thiab thov koob hmoov
Nws tau foom hmoov rau kuv
Pub tshav pub nag txhua leej txhua tus
Pub zaub pub mov peb noj txhua hnub
Nws hlub peb heev nws thiaj pab peb muaj hwjchim
3. Vaj Yesxus yog txhua yam ntawm kuv
Lwm tug piv tsis tau nws
Kuv tso siab rau Vaj Yesxus xwb
Txog thaum lub ntiaj teb kawg
Tus kwvluag zoo yog Tswv Yesxus
Nws yuav coj kuv mus nyob saum ntuj
Tau txoj siav ntev mus li ib sim nrog nws nyob